ماغبت عني ياقصيدي ولو يوم=مانيب عن فتل الفرايد نحاوي
اطيح في يم الجزيلات واقوم=واريبها قاع الشعيب السناوي
اغوص في بحر التفاكير واعوم=وانا علي بدع التماثيل قاوي
كل(ن) بقسمه ياخذ الصيد مقسوم=ولشارده من حين تقبل مراوي
اقدملها واسومها باول السوم=تجلب علي بيض الورق بالتساوي
تعرض علي الطيب تفاصيل وعلوم=يفتيبها من حين يقرا الشكاوي
ماني علي بعض الدعاوي بملزوم=مير البلا بين الدعاوي دعاوي
هاك القصيد الي يصحي من النوم=لعل تصحا به عيون الشقاوي
ان كان قدرك فوق الامتان بنجوم=حنا نقدر يوم وقت العزاوي
انا قدر من حين نلفي علي قوم=ولهم قدر من حين يلفا البداوي
الطيب بين الخلق عادات وسلوم=ياطيب منهو يقدم الها سطاوي
درب الرفاقه بين الاصحاب معلوم=نهجن علي وضح النقا مايلاوي
يانعنبو صدرن من الغيض مكتوم=المعدن اصلي في تقاليد شاوي
ان كان تبغا العلم ياباشه الروم=ماني علي بعض الدلايل بغاوي
نسل الحرار الي يخوي علي بوم=يجيك من عال الرجم سرد هاوي
لاهو بفيد ارجوم ولافيده احزوم=طيرن وقع مع شكل طيرن مخاوي
شاف المهونه في تقاليد وقروم=وده يشاور لابسات الغطاوي
في مجتمع حافه مقاريد ورخوم=عزلت عنهم واحمد الله غناوي
الذيب يعوي فوق خبات ورجوم=يمزر جنوبه عقب ماعاف عاوي
يامخلف الهقوات مانته بمحشوم=ياهل الفعايل يوم وقت الرحاوي
ماقلتها من كبر ولا قلتها زوم=ترا العتيبي دون ربعه حماوي

المشاركة الأصلية كتبت بواسطة {.. ليت أيامي حلم كل(ن) بقسمه ياخذ الصيد مقسـوم ولشارده من حين تقبـل مـراوي اقدملها واسومهـا بـاول السـوم تجلب علي بيض الورق بالتساوي صح لسانك اخوي قصيدة جزله وجميله مفرداتها يعطيك العافيه ربي يسعدك