يالله ياللي خالق الانس والجان = رب الملا سبحان من نبتديبه
سبحانه اللي معتلي فوق سبحان= اللي بعث فالخلق من نهتديبه
محمد رسول الله جانا بقران= صلو علي اللي بالهدى نقتديبه
يامرحبا والشعر هلت به امزان= غيث(ن) تماطر قام يطفح قليبه
يرعد على وجه البسيطة وهتان= يبرق على واد(ن) تسايل شعيبه
تباشرتبه تو مانبتها زان =احيا غصون(ن) للعروق الروبيه
يامرحبا وازرع من الورد بستان = يامرحبا وانثر من المسك طيبه
ترحيب(ن) احلي من لذيذات الالبان= وضح(ن) مرابعها حماد(ن) عشيبه
يامرحبا واهلين ياطير حوران= درع البلاد وعز من ينتخيبه
سلطان ابوخالد ولاقلت سلطان= المملكه مع شعبها تعتزيبه
جيشك ينادي بالوله بين الاوطان= تكفون ابوخالد مطول مغيبه
يرقبك دار(ن) زاد شوقه وولهان= من حد حائل لين مكه وطيبه
ومن الهفوف ورددت دار جيزان= ردت بشوق الشعب لك ياحبيبه
يدعي لك اللي ينزف الدمع باحزان= سالت علي خده وزادت لهيبه
يدعي لك ايتام(ن) وارامل ونسوان= ترفع يداها للدعى والطليبه
ياالله طلبتك يالولي عالي الشان= ابطى حوالي حول ربي تجيبه
واليوم اتوج بالفرح عقد مرجان=في شوف نور(ن) للسعد ينضويبه
من طيب راسه شاع ذكره بالاحسان= شبه الجزيره والبلاد العريبه
ياسيدي واسمك على الخير عنوان = الخير في شوفك ودربك صحيبه
قولي دلاله مايبي اي برهان= كريم سبلا والمواقف رقيبه
انته زبون اللي من البعد ضميان= حلال فكاك العقود النشيبه
لاوالله ابن اللي موحد لعربان = اللي هجدها عقب مسرى النجيبه
تحكي ورايك بالدرر يابليهان= اذراع ابومتعب زبون المهيبه
رده على الغلطان ثوره لبركان= ياويله اللي بالوغى ينتويبه
ياسيدي سلطان غلطان غلطان= اللي يخطط للوطن بالغليبه
ياقايد القوات جيشك وكسبان=حيثك تقوده للعلا وتعليبه
فالارض دبابه وفالجو نيشان= ترمي هدفها من عيار(ن) تصيبه
حنا حماة(ن)للوطن عبر الازمان = ارواحنا ترب الوطن تغتذيبه
والفتنه اللي شبها كان ماكان= ميسامها الي ينصبه ينكويبه
ياسيدى سلطان ون بان عداون =لك الله انا ضدهم بالحريبه
حنا رجال الدار للدار ضلعان = حنا دروع(ن) للوطن يحتميبه
ان كان مانشتالها فوق الامتان= تحرم علينا لارضينا المعيبه
لاثار صال النار في وسط ميدان= عدونا ناطاه حتى نجيبه
ياسيدي حنا رجالك لك اركان=اتكل على اللى كل حي(ن) يثيبه
دار لنا مانلبسه غير تيجان= من عهد ابوتركي والاريا صليبه
مااستعمروه اللي عن الدين عميان= دار(ن) لنا ماهي عهود(ن) قريبه
جاها معزي بالعزاوي علي حصان= فصل لها ثوب الفرح تكتسيبه
تباشرو من كان حضرن وبدوان= في ظل حكم اهل القلوب الرحيبه
واليوم حنا في الوطن مثل الاخوان= الدين واحد دون شك(ن) وريبه
ياسيدي قلي وانفذ من الان= حدد هدف لوكان برض(ن) خصيبه
والله لتلقا الكون يامير نيران=وندون الخطه بضربه صويبه
اقسم قسم والحلف من ساس الايمان = اللي يعادي سيدي لاقتضيبه
نذر(ن) عليه والنذرن دون بهتان = انه لينسى ثديها مع حليبه
سلطان خيره راجحله بميزان= ولاني بمحصي ذكره الي حكيبه
سخرت لي من ندر الفكر قيفان= ادفع بفكر(ن) لانبغ يستجيبه
ناديت باسمه والقوافي لها اذن= ردت وقالت كلنا نحتفيبه
سلطان ابوخالد والاقلت سلطان= المملكه مع شعبها تعتزيبه[/