|
|||||||
|
|||
|
|||
 |
|
|
LinkBack | أدوات الموضوع | انواع عرض الموضوع |
14-03-2010, 03:56 AM
|
#31 (permalink) | |
|
عضو يفوق الوصف
|
رد: سماجة المدونات !!
اول شي
 السلام عليكم ورحمة الله وبركاته ثاني شي اخونا العزيز سعد وربي انك تعجبني بس احيانا تصير صريح بقوهـ المهم والله انا اعترف ان مدونتي فيها من ذا السماجهـ على قولتك بس احاول قدر المستطاع اني اتسنع  واذا على التأليف والخواطر ومدري وشو وربي دايما احاول بس مايطلع معي شي  المهم خل نجاوب على ذا الاسئله 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ ايه يعني يعني زي ماقال الكثير من اخواني وخواتي مايصير يسجل ودايركت يحط له مدونهـ يعني لمن نتعرف اول ويصير له كمن مشاركه ثمن يحط له مدونه 2) اذا انتـ/ـي من المتابعين للمدونات .. وش اللي يشدك أكثر فيها؟ انا احب السواليف وبعض الخواطر 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ انا اتابع للمدونه نفسها وبعض المدونات خشيت فيهم علشان صاحبهم 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ بصراحه ماقيمت لان ماعرف شلون اعبر هع 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ يعني مدري عادي 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! في احيانا بس موب قايلهـ  الاخوان والخوات كفوا ووفوا 7) ملاحظاتك على المدونات : انا بصراحهـ معجبتني فكرت المدونات بس ودي يعني انوا مو اي حد يسوي له مدونه ووشسمونه زي ماقالوا النجوم مخربه هع 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : هع اقترح يصير فيه هذا اذا احد حط يعني مشاركه اقل من 10 حروف ماتنحط بكذا نتفاادا ذا اللي تقولون اللي يحطون برب وبروح انام ومدري وشو وبس  اتمنى ماحد يزعل من الموضوع بحد ذاته لان هو ابداء رأي واللي يبي يزعل لاا يدخل هنا 
|
|
|
|
05-04-2010, 01:03 AM
|
#32 (permalink) | ||
  
|
رد: سماجة المدونات !!
اقتباس:
يحييتس ربي خيتو البريئه الإداره ما قصروا .. حطوا هالقسم عشان يكون بمثابة المتنفس للعضو .. يكتب عن نفسه ويومياته عادي يحاول يألف إذا عنده موهبه في شعر .. أو قصه .. أو حتى أرانب أي شييمكن البعض يكون عنده كتابات قصيره أو محاولات معينه .. ويكون مستحي أو متردد يحطها في موضوع مستقل كخاطره أو قصيده مثلاً .. فتكون مدونته زي الكشكول الخاص .. لكن مو أرشيف منقول .. ويقولون نتنفس  كلنا ندري .. الأشياء المنقوله لها أقسامها .. سواء أدبيه أو غيرها .. وفيه بعد المنفى يا هو بيفيض علينا لو طبقوا حذف المنقول من المدونات  شرط يا أغلب المدونات إن تنحف بقوه .. موب تسنها مسويتن ريجيم وبس .. إلا بتختفي .. قصدي بتفضى عشان أغلب اللي فيها إذا موب كلها .. مزروف من متسان ثاني  أنا مره شفت أحد فتح مدونه .. بعدها إلا يفتح مدونه ثانيه والأولى توها ما بعد وصلها الماء والكهرب  مدري هو النسيان خلاه ينسى إنه فتح مدونه قبل تسذا .. أو عشانه ما يدل في المنتدى ضيع الحاره اللي سكن فيها أول ما وصل وحط مدونته فقال مالي ومال الدوران ومتى بألقاها خل أختصر الوقت وأفتح غيرها .. أو إنه يحسب نفسه في مدرجات الملعب وحاط بجنبه سجاده يحجز لخوياه محل بجنبه << قديم ما لحق على الكراسي في الملاعب بس زيهم بصراحه ما تلومينهم .. دام ما فيه أحد يتفاهم معه عند باب القسم .. أكيد بيسوون اللي يطري عليهم يعني لو كان فيه قوانين وشروط لفتح المدونه تحكمهم كان ضبطت الأمور وصار فيه تنظيم شوي أما التقييمات .. أشوى إنها توقفت من الإداره  .. وأكيد إنهم بيحطون لها تنظيم معينوإلا أول الله لا يوريتس .. الواحد إذا جا يمشي بين المدونات حده بس يلفلف عشان ما يتوطى ذا النجوم من كثرها على باله عيون قطط ههههههههههههههههه أما اللي حاط تقييم وهو مشاركتين .. شكله يحسبها صوره شمسيه وضروريه مع العنوان .. شوي ويكتب عمل الطالب مدرعم لا تلومينه .. هو شاف ذا النجوم تلاصف وتلمع يمينه ويساره .. قال بدل ما أروح لشارع الغرابي وأخسر زبرقه على مدونتي .. خل أصكها بتسمن نجمه عشان ما أصير مطب بين باقي المدونات وينتبهون لي العالم وانتي الصادزه .. موب نحشه وبس .. بعضهم حتى ما سلم ولا رحبوا به في قسم الترحيب .. جا حط مدونه وديور لمنتدى ثاني .. وإلا أهله خذوا لابتوبه وما عاد قبّل على النت الفيسات وما أدراتس مالفيسات .. هي الأكيد محطوطه في أي منتدى كتعبير أو تعليق على كلام معين .. يعني غالباً تكون بعضها في آخر جمله .. وإلا بين كلمات لكن زي ما قلتي .. بعضهم صفحه كامله كلها فيسات .. والسبب بسيط جداً .. زيادة المشاركات زيها زي .. برب .. باكل .. بنوم .. بغسل خشتي .. بقوم شغالتنا << ما وده يجيب باقي الاختيارات وكل فيس .. وكلمه زي كذا .. بزيادة مشاركه والحسابه بتحسب .. بغض النظر عن المحتوى والمضمون .. والفايده للي ضارب مشوار وداخل المدونه الله يقطعك يا ذا الإحساس اللي طول الوقت مرتبط بفيسات ساده .. بدون أي كلام .. وش ذا؟ .. والله لو إن الإحساس نفسه أطرم ما عجبه فيسات تنوب عنه اقتراحاتس في محلها .. ورايتس متوافق تقريباً مع أغلب بقية الآراء .. بخصوص شروط فتح المدونه .. وعدد المشاركات اليوميه في المدونه الوحده وأيضا منع المنقول .. أو على الأقل التقليل منه قدر الإمكان .. لأنها زي ما قلتي صارت قسم (ذائقه عذبه) آخر .. وبشكل عام ( أرشيف متنوع للمنقول ) أبداً أختي .. ما كنتي قاسيه .. قد ما كنتي البريئه الجريئه في اراءها زي ما عرفناتس وحنا هنا أخوان ونمون على بعض .. ولو مزحنا أو كان الطرح فيه ذبات شوي .. فهي من باب الميانه وإن البساط أحمدي بين الكل .. وإن شا الله محد ياخذها على محمل ثاني وانتي بعد كفيتي ووفيتي وما قصرتي في صراحتس اللي أتمنى ما تزعل أحد ألف شكر يا غاليه على حضورتس واتحافنا بآراءتس الصريحه دون مجامله يسعدتس ربي ويوفقنا وياكم في الدارين دمتي بود وألف خير  ™ تشاوو .. يرحمكم الله |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض تفاصيل اكثر)
الاعضاء الذين شاهدو الموضوع : 98
|
|
| , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |
| أدوات الموضوع | |
| انواع عرض الموضوع | |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يسر وسماحة الإسلام | ~غلا~ | ●{منْتدَى نْفحآتْ روٌحــآنيِهـ إسْلاميّة ~ | 33 | 18-09-2009 05:49 PM |
| الشيخ الـجبرين في سطــور .!!. | king-love | ●{منْتدَى نْفحآتْ روٌحــآنيِهـ إسْلاميّة ~ | 9 | 19-07-2009 11:10 AM |
الساعة الآن 05:17 AM.
