●●
طـريـق الـزمـان احجارته من عـلاقـتـنـا ..
......... بنيناه / يوم اقـلـوبــنـا عـايـشـه فيـنـا ..
كبرنا / وزادت مع غـلانـا مـحـبــتــنـا ..
......... اليـن أمتلا اليــن آخره من خطاوينا ..
صبرنا ، صبرنا علّم الموت ما{ متنا ..
......... نخاف النفوس أتغيرت من بعد ما جينا ..
وصـلنـا { نهاية دربـنـا ، ثم صوّتـنـا ..
......... ولا أحد ٍ سمع أصواتنا / غير أمانينا ..
(أنا وأنت) بس اقلوبـنـا ما بعد جتنا ..
......... بعدنا ، بعدنا ليـن ضاعت مـبـاديـنـا ..
نكابر وما كن الظروف أمس باعتنا ..
......... نشوف الجفا ونغمض العين بـ إيدينا ..
هبوب الكلام القاسي الصلف مرّتنا ..
......... وطارت مع أوراق الليالي أسامينا ..
أنا ! من أنا ؟؟ يوم أذكر أحداث قصتنا ..
......... أنا عاشق أختار التعب لأجل يرضينا ..
وأشوف الظروف العاتيه فيك هزتنا ..
......... و لا وديّ يـطـول التجافي أراضيـنـا ..
أبي لا قربنا / ما ذكـرنـا كـرامـتـنـا ..
......... ونبي لا بعدنا / نـدعـي الله يـخـلـيـنـا ..
وإذا أنك تحس أن المسافات خانتنا ..
......... لك الله / أحس الخاين الصدق رجلينا ..
(أنا وأنت) وإحساس المفارق ثلاثتنا ..
......... نبي نـبـتـسـم { مير الليالي تـبـكـيـنـا ..
و لا يقهرك غير أن تفقدت حالتنا ..
......... لقيت / المـحـبـه باقيه في مـحـانـيـنـا ..
دخيلك / إذا حدّ أسألك عن { علاقتنا ..
......... تقول:{ انتهت ، والوقت عيّا يخلينا ..
!! ....................................... []
البكر / عبدالله ..
!
