رجعت لسكة أحزاني أنين الشارع المهجور ,,
على نفس الوهم أمشي يضيق الدرب بأحزاني ,,
يطل الخوف من عيني يدور للأمان حظور ,,
يعانق بالندم نظرة تضيع في عبرة أشجاني ,,
يمر الوقت مستعجل وينسى يحتضني شعور ,,
على حد الألم قلبي جلس والوقت عداني ,,
نفض كل فرح مرني على غفلة حزن مغرور ,,
تلقفني الزمن يضحك على ياسي وحرماني ,,
أضم الهم وأحساسي أخذني للوراء مجبور ,,
لدنيا كانت الفرحة سماء والضحكة أوطاني ,,
على ذاك الوعد جوني زمان العاشق المغرور ,,
رمى همي على قلب(ن) شعوره فارق أزماني ,,
مشيت في دربنا المنسي مشيت وخاطري مبهور ,,
أطالع حولي أتأمل سكون الكون بكاني ,,
أدور عسى القى لمحة تطيب خاطري المكسور ,,
أملي بشوفها عيني أحضنها بأجفاني ,,
تغير كل شئ بعدك تلعثم بالظلام النور ,,
أناديلك وأنفاسي تبعثر صوته لساني ,,
تمرغ بالألم وجهي وباتبها الشقى مغمور ,,
تضيعني تعابيره و أجهل كيف تلقاني ,,
تلبسني الحزن وأصبح رفيقي والهنا مأسور ,,
فركن(ن) أجهله بعدك أعرف ليه ماجاني ,,
لأني من بعد عينك شعوري طاربه عصفور ,,
رحل لأبعد مدى وقفى ولارد من ثاني ,,
وقلت بداخلي بترجع وبنيت من الأماني قصور ,,
وكنت أضحك على نفسي الين الوقت صحاني ,,
زماني غرني ضحكك تبعتك والنظر مسحور ,,
هقيتك بالفرح تزفر صدمني فرحك الغافي ,,
صدمني بعدها حزني بسكة حزني المنثور ,,
على نفس الطريق أمشي الملم باقي أحزاني ,,
تحيــــــــــــــــــــــاتي ,,,.........
المواضيع المتشابهه 
سكـــة أحزاني ...... 
العرض العادي
