 أنا معكـ ,,,, ولكـ وفيكـ ,,,,!!!
هااااااااي
أنا معك... ولك... وفيك...
فديت البسمة في شفاتك...وفديت الدمعة بعيونك...والآه بشجون...والكون من دونك.
صدقني
إذا دموعك مطر ورموشك سحاب... أنا صدري أرض يا أغلى الأحباب.
وإذا آهاتك احرقت صدرك وذاتك ... أنا لك مثل الجليد ذوبني وعطني كل معاناتك.
مستحيل يالغالي أنساك...وأصد عنك وأجفاك.
أنا جزء منك وأنت جزء مني... أقصد أنا كلك وأنت كلي.
إذا أنا الماي أنت الزهر...
أسقيك من أنفاسي وأرويك من دمي وكل مافيني يعطيك، الين يكون حبك وشوقك وحنانك ثمر يغذيني ويغذيك.
وإذا أنا السما أنت القمر...
بكل مافيني يالغالي أحتويك وعن همك وأحزانك أسليك وإذا راح ضيك تشوف كل مافيني يصرخ يبيك.
ناظر عيوني واعرف كيف كانت تنتظر شوفك...
واذني كيف كانت ملهوفة لنبرة صوتك...
وايدي ليه مات فيها الاحساس بعد مافارقت دفاك وراحة كفوفك...
وقلبي إلي اثقلت دقاته بعد ماحس بضيقك وعنا خفوقك...
تعال ياكلي وحط عيني بعينك...
يقولون في غيابي عيونك من الدمع مافيها مجال..!؟
وبصوتك آهات تهز الجبال..!؟
ويقولون إن الهم في قلبك صال وجال..!؟
مادري صحيح هالحكي وإلا كلام انقال..؟؟؟
..................................
في غيابك ياقلبي أحس الشمس مالها دفى ... والقمر نوره طفى ... والإحساس فيني جفا... نسيت البسمة وصرت أقرب صاحب للبكى...
صرت أشوف طيفك زهرة من بين كل هالطيوف ... أمشي مابين كل هالناس وعيني غيرك ماتشوف... إنت الوحيد بعيني كامل وباقي الناس فيها كسوف... كنت أحاول أقرب وأقرب وأقرب وبالأخير اعذرني انهزمت عند الظروف.
لكن وربي مانسيتك... لوبيدي كان تركت كل هالكون وجيتك... شلون أنساك وروحي وعقلي لك وقلبي دارك وبيتك...احبك احبك احبك خذها مني وياليت تقبل اعتذاري ياليتك...أنا قدامك سو إلي تبي تسوي اذبحني بس لاتنسى إني طوووول عمري بغيتك.................................
دامك اعترفت أجل تحمل كل إلي بيجيك...
قرب اذنك من اشفاتي ... خااااطري أهمس فيها خذ من عمري لعمرك... خذني كلي وعطني كل همومك...حط راسك على صدري وخذ ايدي وامسح دموعك... ضمني ياقلبي حييييل واترك ضلوعي تجمع ضلوعك...احبك احبك احبك خذها مني مثل المطر واسقي فيها خفوقك... وأنا يكفيني إن ايامي حلت بوجودك.
.............................
إذا كان يالغالي هذا عقابك أجل كل يوم بابتعد واغلط وانتظر بسررررعة جوابك...ولايكون تتأخير ترى الشوق لعقابك هو عقابي...
..........................
بس يمكن أمل وابتعد..
ماتقدر لانك عارف ظروفي والنار إلي بجوفي
ياقلبي لايكون تستقلين ضعفي وحناني
لا انا ما استقلك كل شيء إلا هيبة حنانك وخوفك
لكن الزمن يمشي... والشوق فيني يسري... والفراغ إلي بتتركة في غيابك اعذرني لو ملاه غيرك باسبابك...
]uhx
| 
سيدتي
