ياصعلـوك
وتشيل ياصعلوك.. بين المطارات=عمرك / بروايز الحكي / ذكرياتك
ليلتك / حزنك / دمعتك والسموات=وجهك ..وتغريب الليالي .. وذاتك
صلافتك / رقة عيونك لما .. فات=صوت أمك الواهي : أمانه خواتك
إرثك/ جذورك/بسملتك / الصلوت=دارك / شبابيك الغياب / وصفاتك
خشوع قلبك / سجدتيك / التحيات=حكي الكثير .. ومختصر تمتماتك
شفت العيون اللي تناظرك هيهات=لو دقـقت عجزت تحـدد سِماتك
وأنت بـ جفونك يستفز المسافات=حلمٍ .. كسر ظهر الطموح بحياتك
وتشيل ضمن اللي تشيل المجرات=في محجريك .. وموتِـتِك بإلتفاتك
سموك اهَلْك بمولدك غايبٍ / آتْ=كن الرحيل .. إتوسموه فـ لهاتك
ليلة فراق عيونها .. كِن الأموات=أحيا .. وكن الله لوحدك .. أماتك
صمتك بلد .. لكن عيونك حكايات=كنك مضيع وسط بوحك .. شفاتك
تمشلحتك بـدون قصد .. الغيابات=وأكرمتها غير إنهيالك إسـ كاتك
بس الشوارع / الشقق / العمارات=ضاقت بأهلها وأنت ضقت بحياتك
لو أمنت بك رحلتك .. والجوازات=كذب شعورك لورأى .. معجزاتك
•••
..]