لا تقول اني ذكرت .. ولا تقـول انـي نسيـــت
كيف يعني يذكرك ... انسان لحظـه مانســـاك
ادري اني صدق احبك.. وادري انك مادريـت
اني حتى ضد نفسي ... صـرت ياعمـري معـــاك
لو اقول اشكثر احبك ! ما تصدق لـو حكيـــت
داااام حبي فـووق والله مستـواي ومستـــواك
(كل حرف ٍ لك كتبت ) و (كل حرف ٍ لي قريت)
(فيه شي ٍ من عــناي) و(فيه شي ٍ من غـــلاك)
في غيابك ... ياحبيبي ياكثـر ماقلـت لييـــت
وياكثر ما قيييل عني في غيابـك وش بــــلاك
مو مهم اللي جــرى لي... المهم انك رضيــت
دام يزعلني زعلّك ... ودام يرضينـي رضـــاك
انت دمع ٍ في عيوني .. مابكيتـه لـو بكيـــت
وانت كل اللي كتبته ... وانا بس اللـي قــراك
وانت درب ٍ من بديته فـي حياتـي ماانتهيــت
وانت تعني لـي بهالدينـا نجاتـي والهــــلاك
جيتك أتأسف حبيبي .. وأعترف انـي خطيــت
جيتك اسبق لهفة اشواقـي ويسبقنـي غـــلاك
وانا مدري ( شلت قلبي لك ) بعد عمري وجيـيت
والا ( قلبي شالــني لك ) يابعد عمـري وجـاك
جيت اقول ( اني احبك) شفت عينـك استحيــت
في عيونك قدرة الله ... واشهـد أن الله عطــــاك
لا تقول اني ذكرت .. ولا تقـول انـي نسيـــت
كيف يعني يذكرك...انسان لحظه ما نساك
من تصفحاتي
جيت اقول اني احبك 
العرض العادي
