عـزاه يـابـرق(ن) ســرى اللـيـل كـلـ
ليلـه ظـلام وبـارقـه يشـعـل اشـعـال
ومـزنــه مـــرودم والــهــواء راكــدلــه
والمـا منـه ينـزل علـى الارض شـلال
سبـحـان مــن انـشـاه فــي قـدرتـلـه
وبمـره يـسـوق ويتـجـه ويــن مـاقـال
كـونـه بـخـار ووسـطـه الـمـا يـشـلـه
ومـن البـحـر سـاقـه لـوديـان وجـبـال
ويسقـي بـه ارض(ن) الدهـر جاريلـه
يحيي شجرها عقب موته والا محـال
يـرعــد ويـبــرق والــهــواء سـايـقـلـه
بامـر الـولـي عـالـم خفـيـات الـحـوال
رب(ن) عـنــه مـاخـافـيـن شــــئ لله
يعلـم خفايـا الخلـق صــادق ودجــال
والارض ملـكـه والسـمـا تـحـت ظـلـه
وهـو الــذي عـنـد المهـمـات ينـسـال
ومـن بعـد ذكـر اللـي فــرض قبلتـلـه
سـر ياقلـم وكتـب جديـدات الا مـثـال
اكـتـب وعـبــر والـخـطـا عـنــك زلـــه
في خط واضح واعـدل الحـرف لامـال
اكتـب وحبـرك دمــع عـيـن(ن) تهـلـه
ادموع عين(ن) من عنا الوقت همـال
اكتـب كـلام الـلـي نــزح عــن محـلـه
بيـنـه وبيـنـه الــف كيـلـوا بــالا مـيـال
الـيـاطـرالــه قـــــام هــمـــه يــتــلــه
قامت هواجيسـه تحـده علـى الجـال
والـرجـل يـعـرف كـيـف دربـــه يـدلــه
ولا غــدا مــع قـــول عـــاذل وعـــذال
لا تعـيـش فــي عيشةاهـانـه وذلـــه
لوانـت تسكـن فـي خـلا مـابـه ازوال
ودرب(ن) تشوف به المماشي مخله
جنب عنه والـدرب الا قشـر لـلا نـذال
وفــل الحـجـاج مــع الرجاجـيـل فـلـه
اليـا احترمـت الـنـاس عــدوك رجــال
والـنــاس تـتـبـع واحـــد(ن) ماتـمـلـه
ومـن عـال يمـه عالـو الـنـاس لاعــال
لــون بـعـض الـنـاس بـلـشـه وعـلــه
حـاول عنـه تبعـد بــلا هــرج وجــدال
لا تـجـادلـه تـبـلـش مـعــه باالـجـدلـه
وينشـر علومـك ناقـل القيـل والـقـال
والا الــيـــا مــنـــك تـكـلـمــت قــلـــه
قول(ن) يخلي وجهه الـوان وشكـال
حـتـى يحـسـب قعبـهـا كـلـمـت لـــه
بعض السوالف مالهـا سـاس وهبـال
والرجـل يعـرف مـن طــرف هرجتـلـه
هرجـه يبـيـن ماطـرالـه عـلـى الـبـال
وحــذرا الــردي حــذرا تخـاويـه خـلـه
لوهو رقـا لمنصـب ولوهـو ملـك مـال
انــتــه خــويـــه لابـــــدت حـاجـتـلــه
واليـا بدالـك حاجت(ن)عنـك مـاسـال
ولــوطــاب مــــده عـــــود لـعـادتـلــه
ماله مع اهل الطيب حض(ن) ولافال
اســـال مـجــرب والـتـجــارب مــدلــه
التـجـربـه درس(ن) مـثـبـت وفــعــال
خاويت نـاس(ن) مـن جميـع الشكلـه
وفـي ماخـلـق ربــي تـهـول وتهـتـال
احــد(ن) خــلاف الـربـع دايــم يحـلـه
واليـا حضـر ينحـل بالـحـال الاشـكـال
والـيـا فــزع يعـجـبـك فـــي فزعـتـلـه
وطيبـه مـع الاجنـاب والـربـع باالـحـال
وايـــض تـنـومـس لـلـخـوي خـوتـلــه
طيـب ولـه باالطيـب مخـرج ومـدخـال
وحـــد(ن) ردي وفـاشـلـه سمعـتـلـه
وشـره علـى الاقـراب والعـم والخـال
وحـد(ن) تعـجـب مـنـه فــي هيبتـلـه
ولاقــــال يـفـعــل مـيـتــردد الـيـاقــل
وتشـوف فـرق اخـون وخـو باالجبـلـه
باالطيب والمذهب وهم نسـل رجـال
واللـي تشـوفـه خــارب(ن) مذهبـلـه
ابـعـد عـنـه جعـلـه لمـلـيـون ســـلال
ماانـتـه ا بمجـبـور(ن) عـلـى قربتـلـه
لــو انـتـه تـخـاوي هـنـود(ن) ونيـبـال
وزل الخطـا عـن صاحـب الطيـب زلـه
وخـويـك ادمــح زلـتـه ونــس مـاقـال
يمكـن تجـي كلمـه مـهـي مقصـدلـه
احذر يجيـك مـن الخطـا شـك وجفـال
الـرجــل مـالــه بـاالـعـمـر مكـسـبـلـه
والله لا قـالـو رجــل طـيــب وعـمــال
يـاجــامــع(ن) لـلــمــال ومـخـزنــلــه
وش يستفيد الرجل من جمعت المال
ان مـاوقــف بــــه لا بــــدت عـازتـلــه
لامـات مـن مالـه ماغيـر الكفـن شـال
مـاالله خلـف فــي هاالحـيـاة اتعبـلـه
والمـال بالـي والعـمـر باالمـثـل بــال
والـلـي يفـكـر بــس فـــي عيشـتـلـه
الــفــول بـريـالـيـن والـخـبــز بــريــال