السلام عليكم و رحمه الله ..
تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلتها المدرسات سلامات وينك يامديرة ؟
قالت باركولي تزوجت
قالوا مبروك يامديرة ولكن منهو زوجك ؟
قالت بصراحة زوجي هو زوج وحده منكم !!
المدرسات تكفين علمينا أي وحدة منا ؟
قالت المديرة والله ما أعلمكم
المهم لزمن عليها فقالت أنا منيب متكلمة اللي تبي تعرف هل هو زوجها وإلا لا
تجيب بكرا معها خمسمية ريال وإذا جت توقع تحط الخمسمية على الطاولة
واللي آخذ خمسميتها فهي مهو زوجها:
واللي أخلي خمسميتها على الطاولة ولا آخذها فهو زوجها
عيب علي أتزوج زوجها وآخذ بعد منها خمسمية ريال
وافقوا المدرسات على الطريقة
من بكرا وكل وحدة مجهزه معها الفلوس
جت الأوله والثانية والثالثة والرابعة حتى العاشرة والمديرة تاخذ الفلوس
يوم جت المدرسة الـ 11 وبدت المديرة تتأفف .. المهم حطت الفلوس على الطاولة
وقالت لها تكفين خذيها يالمديرة قالت
المديرة اعذريني قالت المدرسة كأنها قليلة حطيت ألف بدال الخمسمية
قالت المديرة أووووووووووووه معليش أثرك أنتي جواهر
والله إني آسفه غلطت يوم تنفست المدرسة وقالت الحمد لله يعني بتاخذين الفلوس
المهم أخذتها المديرة
ودخلوا بقية المدرسات حتى الـ 23 والمديرة تلعب بأعصاب كل وحده
وفي النهاية تاخذ الخمسمية
المهم بقي مدرسة وحدة فقط ماجت يوم اتصلوا عليها المدرسات هاه وينك يا أستاذه
قالت والله اني تعبانه وماني جايه
قالت المدرسة الغايبة : هاه من صار زوجها اللي متزوج المديرة ؟
قالوا لين الحين مابين شي والمديرة عيت تاخذ الفلوس لين تحضر كل المدرسات
( يلعبون عليها بس يبونها تجي عشان يتطمنون إنها هي لأنه مابقى إلا هي )
وقالوا المدرسات لازم تجين تكفين
المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي
وبدوا يسمون على المدرسة الـ 24 عشان ماتنصدم
دخلت المدرسة الأخيرة غرفة المديرة وحطوا باقي المدرسات أيديهم على قلوبهم
وحطت المدرسة الخمسمية على الطاولة وضفتها المديرة
يوم طلعت لقنها عادية وما صار شي وفلوسها أخذتها المديرة
قالوا يابنات فيه وحده منكن ماخذت المديرة فلوسها ؟
قالوا لا والله كلنا أخذت فلوسنا
ودخلوا المدرسات على المديرة وقالوا أخذتي الفلوس من كل المدرسات تلعبين علينا
!! منهو زوجك !!
قالت المديرة المهم الفلوس ( 12000 ريال ) ماراح ترجع
وأنا والله لا تزوجت ولاشي لين الحين عزوبية ووالله كنت مريضة هاليومين
ولكني اطلبكم قبل شهر تدفعون على مية ريال نصلح المصلى
ولا وحدة منكم دفعت .. قلت والله لأدفعكم 500 ريال
نصلح المصلى ونشتري مصاحف وقف للمسجد
قالوا المدرسات بردها الله بالعافية فداك الفلوس ولو تبين زياده عطيناك
هو صدق بس رجالنا ماتزوجوا علينا
مايستفاد من القصة
1- المرأة تدفع فلوس الدنيا كلها ولا يتزوج زوجها عليها
2- المدير الناجح هو من يفكر في عمل مفيد إجتماعياً ويستطيع فرضه بإقناع
3- عمل الخير موجود في النفس المسلمة ولكن يحتاج إلى إيقاظ في بعض الأوقات
4- من واجبات مدراء ومديرات المدارس والمدرسين الاهتمام بالمصليات
مديرة مدرسة تزوجت زوج إحدى مدرسات مدرستها 
