...الشوارع خالية والجو ساكن
والدروب اللي تضمك يفقدنك !
وين غبت؟
وين رحت؟
ياللي أنفاسك مواعيد وأماني
ورفرفة طير واغاني
ياللي ف عيوني تساوى الكون كله
إيه تكرم لك مداين
وتشتهيك ابلاد وابلاد ومواني انت وينك؟
إنت وين؟
وليه غبت؟ ومن خذاك؟
من سرق فرحة سنيني من يدّيه ؟
قول مين؟
ليه اشوفك بالعيون وماأحسك؟!!
ليه احس انك غريب وماأعرفك؟!!
ليه اذوب ان مرّت دروبك عليّ وماتحس؟!
مستحيل تكون إنت..!
مستحيل تكون من فكّ الخفوق وساد فيه
مستحيل تكون ذاك اللي أبيه
منهو إنت ؟
ما أعرفك ..
وجه يشبه من عشقت ومن هويت
بس لا لا ماهو إنت..
الملامح باردة والصوت بارد .!
والكلام أشكال لكن ماتشابه
حتى أنفاسك غريبه
حتى ضحكاتك مُريبه..!
حتى إنت..!
منهو إنت؟!
مستحيل تكون ذاك اللي أبيه
مستحيل تكون من همت بهواه
ولذت من جور السنين براحتيه..!
وماأبي شخصٍ بداله..
مستحيل تكون هو ..!
آه يابعدك علي وإنت جنبي..
وآه ياقرب الكلام اللي بقول وماا قوله
الكلام احيان يقتل قايلينه
وانته ادرى ..! ياحبيبي
في عيوني حزنٍ اكبر من كلامي والرسايل
في عيوني شيٍ ابلغ من حديث يمر عادي
لاقريته..!. إنت وينك؟
رحت أدوّرك بدروب العشب الأخضر مالقيتك.!
جيت لين اعتاب بابك مافتحت..!
همت اصوّت بالمدى يافلان وينك؟
مارجعت..! ياحبيبي
في عيوني لك رسايل
ماتَحَمّلها لحالي
بس قلي..
قلي تكفى إنت وينك ؟
إنت وينك ؟==
=
أعجبتني ونقلتها لكل الأحبه
