أجهلك .. ولي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنا هلك

أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..

أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوعي وحنايا
اتخيل شكوكك وظنك .. اتخيل التقصير منك
حتى الجفى اتخيله .. وكيف انا باتحمله .. واتحملك

أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمرٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك





بقلــــــم/ عبد الرحمــــن بن مساعد
قصيده اعجبتني جدا..لدرجة اني حفظتها عن ظهر قلب !!
احببت ان انقلها لكم..لتشاركــــوني الاعجـــاب

البريئة انتي رائعة

منورة المنتدي

تقبلي مروري

البريئهـ ,’,’,’

جميل ما نقلتيهـ لنا من كلمات رائعهـ وراقيهـ

يسعدكـ ربي يالغلا .... والله لا يحرمنا من جديدكـ

,’,’,’ دمتي بحفظ الرحـ ـ ـمن

البريئه ..

يسلم ذوقك على الاختيار الجميل

وعلى النقل الاجمل

الله لايحرمنا تواجدك الحلو والعذب

يخليك ربي

دمتي بود

توتي فروتي

برررررررررق الشمااااال


يسلمكـ ربي عالمرور الحلو..يعطيكـ العافيه