 من اللي حب له طفله ... وحلم من يوم كانوا صغار
أبيــاات تحكي ألم . . جنـون . . رحيـل . . و عودة إلى الورآآء لتوضيح المُبهم . . عودة إلى . . الطفـولة !
أبيـات أعجز عن وصفهـا .. للشاعر // فهد معتوق . . .(((ســـــــــــاقي الشــــوووق)))
من اللي حب له طفـــله ... وحـلـــم من يوم كانـــوا صغـــار
على ذاك الرصيف أسهر و أنادي بكل الجنـون القـار ..
أكـلـم شــارعٍ خـالـي .. ســواده مــن ســواد الـلـيـل ..
تــرى مـاهــو فـلــس .. ولا بقـلـبـي قـلــت الأشـعــار ..
ولـكـن واقـعـي يـفـرض عـلـي .. أكـتـب بـــلا تـعـديـل ..
أنــا // راح الـعـقـل مـنــي "" .. وعـنــدي للـجـنـون أعـــذار ..
معـانـاتـي إذا بـوصــف . . يـفــوق الـوصــف والتعـلـيـل ..
مــن الـلـي ثـبـت أقـدامــه يـقــاوم شـــدة الـتـيـار ؟!
ويعـرف إن النخـل وهـو النخـل . . راح وجـرفـه السـيـل ..
][ من اللي حبّ له طفله .!! وحلم من يوم كانـوا صغـار . .
يـتــوّج حــبــه بـفـرحــه .. وأمــــه تـحـضـنـه بتـهـلـيـل . . ][
يـمــر الـوقــت .. وسنـيـنـه تــمــر .. ويـسـتــوون كــبــار ..
ويتغـرب لجـل حلمـه .. يسابـق كــل شـبـاب الجـيـل . .
ويـرجـع رافــع راســه .!! بـعــد مـــا صـــار هـــو طـيــار ..!
وبقـى مـن حلمـه الـوردي زفــاف ،، يـرفـض التأجـيـل ..
يجيهـا يقـول حـان الوقـت .!! تعالـي نكشـف الأسـرار ..
طفـح كيـل الصبـر ماعـاد فـي صبـري وصبـرك كيـل ..
ويـذكـرهـا بـوقــت صـــار . . مـــع مـــرّ الـزمــن تـذكــار ..
بــ أيــام الـطـفـولـه يــــوم يـغـرقـهـا غــــلا وتـدلـيــل ..
. . { يمازحـهـا وتــردد لــه ( تــرى الـكـذاب يــروح الـنــار ) . .
يجافيهـا . . وتهمـس لــه : .. أعــرف إن الجـفـا تمثـيـل ! } . .
وتـدمــع عيـنـهـم لثـنـيـن . . يـهـلـون الـدمــع مـــدرار
؛؛
)( تــرى الـذكـرى ولــو حـلـوه . . . طواريـهـا تـهــد الـحـيـل )(
وتسـرح فـي وسـط عينـه .. تفكـر .. ترتجف .. تحتـار ..
يسألها عسى ماشرّ ؟ ويطيح من ايديهـا المنديـل ..!!
وتنزل عالركب وتقول : تسامحنـي علـى اللـي صـار ؟
حــشــا والله مـاخـنـتـك ... ولـكـنــه حــصــل تـبــديــل ..
تـراهــا غـيـبـتـك طــالــت . . . وتــــدري وقـتـنــا غــــدار ..
كـبــرت .. وخـفــت تـتـأخـر .. وخــيــر الــبــر بالتـعـجـيـل ..
ويشهـق يلمـح الخاتـم ..!!
يـحـس الـقـاع تحـتـه دار ..!!
ولا يسـتـوعـب الـمـوقـف بـلـيـا شـــرح أو تـحـلـيـل ..!!
يـسـود الصمت . . . . ولاكلـمـه !.. و نـظـره كلـهـا استنـكـار !...
شلـل صـاب اللسـان وصـاب كفيـن العتـب . . تكبـيـل ..
[ . . دقيقـه تمر . . طعمـهـا مرّ . . نهـايـة عمـر . . مـوت أزهــار . .
خسارة حب . . ضياع فـ درب . . نار تشب . . عذاب و ويـل . . ]
ويسـرح . . لـو بعيـده . . ؟ تهـووون !!
ولكـن كـيـف بـنـت الـجـار .!!؟.
ويكسـر صمتـه . . بـ صرخـه ! تعـدت فـي مداهـا سهـ ي ي ي ـل ..
ويفـقـد وعـيـه ويـنـزل . . عـلـى قـــاع الـثــرى . . . . مـنـهـار !!..
مصيبـه كيـف يتحمـل ؟! تــرى مــا بـالأمـر تسهـيـل ..
مابـيـنـه و بـيــن غرفـتـهـا . . . مـمــرّ ،، و نـخـلـه ،، و جـــدار ،،
وهــــذا الــلــي يـعـذبــه و يــــزود طـيـنــه بتـبـلـيـل . . !
يشوف اللي سرق عمره سكن وياها نفـس الـدار . . .
غـدى جــار . . ولــه حــق نــزل فــي محـكـم التنـزيـل .!!..
ويتخـيـلـه يـغـازلـهـا . . ويــقــول انــــه عـلـيـهـا يــغــار . .
ويتـردد صـدى همسـه .. ولمـسـه .. وضحـكـه .. وتقبـيـل ..
يـنـاظـر دارهـــا وفـكــره ورا ذيـــك الـسـتـايـر حــــار . . .
وشـبـاك الـهــوى عـتـمـه بـعــد مـــازادوا التظـلـيـل . . .
يـقـرر زوجـهــا . . يـبـنـي ويـرفــع مـسـتـوى الأســـوار . .
ويـتـصـرف عـلــى كـيـفـه !! عـنــده مـنـهــم تـوكـيــل..!!
ومكـسـور الجـنـاح . . الـلـي بــلا ذنــبٍ يــذوق أمـــرار . .
يـصـارع حسـرتـه ويـجـر بـعـد ذيــك الهزيـمـه، . . ذيـــل . .
يفـكـر . . كـيـف طاوعـهـا الضمـيـر تـكـون شــي ضــار ؟!
بعـد مـا كانـت لـ عمـره . . عُمُـر . . يحـسـب مــداه طـويـييل . .
خـذت كـل مابقـي منـه .. ومـن عقلـه .. خـذت الأفكـار . .
وبــرواز الـوعـد مـايــل // خـذتــه .. تـخــاف قـــال وقـيــل . .
. . { عطـت بـروازه . . لـ غيـره ! و خلّـت فـي الحـشـا . . مسـمـار . .
وآخــــر كـلـمــه قـالـتـهـا : رجــــاءً مـا أبـيــك تـعــيــل . . }
وردّ بكل غضب يسـأل : تحسبينـي مـن أهـل الثـار ؟!
أنـــا وقـتــي غـــدا مـلـكـي . . و لا يتـحـمـل التعـطـيـل . .
وداع الله وإذا بـَـعــدك . . مـــــرض إيـمـانــي الـعــطــار . .
أنـــا لـــي ربّ .! مـــا يـهـمـل . . بـقــرا كـتـابــه بـتـرتـيـل . .
وإذا كـانــت مـسـافــات الـمـنــازل بـيـنـنـا // أشــبــار . .
لخليـهـا سـفـر . . أيــام . . وأســاوي كــل شـبــرٍ بـ مـيـل . .!
وإذا قـالـوا عـلـي . . مجـنـون ؟؟ أو ملـبـوس ؟؟ أو صـابـه زار . . ؟
لناجـي شـارع خالـي لوحـده فــي تـوالـي اللـيـل . .
وأعيـش العمـر أرددهـا )( تـرى الكـذاب يــروح الـنـار )( !!
بـــراءة . . كـانــت الـجـمـلـه . . ولـكـنــه حــصــل تـبـديــل ..!
حكايـة عمـري // مـن يـوم الطفولـه . . ليـن صرنـا كـبـار . .
في هذي الصفحه شفتوهـا وعايشتوهـا بالتفصيـل . . .
أبـي شخـص ينـورنـي .. ومــن أبيـاتـي بــس يخـتـار . . .
حـرف ماشكـى مــن هــمّ ؟ ويبـشـر مـنـي بتعـديـل . . .
بعـدهـا بعـلـن افـلاسـي !! وبـتــرك عـالــم الأشـعــار .!!
لأنـي ماقـدرت أعطـي لـ حزنـي فـي الشعـر تعليـل . . .
وبرجـع للسريـر اللـي . . مـن غيابـي شكـى محـتـار . .
و أريـّـح عـيـن شـوهـهـا ســـواد يـشـبـه التكـحـيـل . . .
وفي آخر بيت بسألكم . . . عرفتوا ليـش أناجـي القـار ؟!
قـولـوا للـ ثـريـّا مــن تنـاجـي لـــو خـذلـهـا سـهـيـل ؟!
والقصيده الثانيه بعنوان (ثلاث سنين)
... شفتها ياسعود صدفه ...
ثلاث سنين انا اخطط لهذا اليوم يا بو سعود
تيسر حالي وجاهز اوفي وعدي بوقته
وفجأة جتني تتعذر تقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخة النكتة
وقالت ارضى بالواقع قلبي ما هو المعهود
تغير كل شي صوبك نصيبي ما أظن إنته
كنت بيوم محبوبي ولكن ما أظن نعود
وصل من قبل ما توصل وانا ذاك الصبر عفته
ولكن تكفى صدقني ويشهد ربي المعبود
ترى ما خنتك بغفلة وولا كلمته وشفته
صراحة اهلي قالولي بإنه ولد اصل وجود
وجتني أمه بالصورة وبكلمات المدح اخته
سكت وقلت هي فرصة ما دام الجود في الموجود
وقالوا كل من حولي علامات الرضا سكته
وانا فكرت دام امه واخته ما عليهم زود
اكيد اني براضيهم إذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا اقدر أغيرها ترى عند العرب منقود
اوافق واعتذر باجر واقول الراي غيرته
تبي تشرح لي المنقود تصدق عاد يا بو سعود
تبيني اقتنع وارضى بحالن عمري ما عشته
انا ماني بقايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سود
ونارن تحرق الكوشة وتحرق بيتهم حتى
وموت بليلة الدخلة يبرد حرتي يا كود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
ترى صعبن علي اتخيل الي ما تخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنت عديم الذات تلوع حتى جبد الدود
ومن خان العهود ومات تعافه حتى مقبرته
عسى ربي يجازيهم بحبلن من مسد ممدود
يعلقهم من اطرافه وفوقه نارن وتحته
انا ماني حقود وشين ولاني من نسل نمرود
ومن حط نفسه بوضعي يقول الي انا قلته
مدام الفعل له ردة فعل والله ابشري بردود
بدعي دامني حين وبغرس للدعا نبته
وبسيقها نزيف القلب ودمعن ما رحم الخدود
وتكبر والثمر ثاري من الي خانني وصنته
انا نذر علي اكتب وافجر هالقصيد رعود
واسمع كل بشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف الي تكبدته
ثلاث سنين انا ابني وجت صورة بكل برود
خذت مني شقا عمري وحلمن قلت حققته
ثلاث سنين انا اخطط لهذا اليوم يا بو سعود
وتوافق من كلام اخته وصورة أربعه في سته!!
http://do7a4mp3.net/uploads/9e16f5b083.mp3
لكم تحياتي واشواقي ...
شــوووق الـــروووح
| 
