أنا ما عيش معك الحب.. أعيش الحب كله فيك
أنا وإن كنت عنك بعيد.. لكن معك وأحيا بك
تعيش بكل أحاسيسي وتفكيري وأعيش أغليك
تحسد الحب لو تسمع حديث الروح بغيابك
تزاحم فالخفوق قلوب يسري نبضها بيديك
أنا كيف اختصر فيك الشعور بحضرة أحبابك
سكنت أرض الغياب وكل سيرة للوفا ترويك
عيونك موطن وغربه.. عيونك موطن اغرابك
أحبك لو تسافر بي على درب التعب وامشيك
حبيبي في زمان البعد قلبي أصدق أصحابك
أحبك جرح ما يبرى عسى بعض الألم يرضيك
ولوّن بالرضى عيني واسيّل دمعة عتابك
حبيبي في ظلام الشوق كل النور ما يضويك
أنا صفحاتك البيضاء وأنا أصدق حرف بكتابك
فرشت العمر لأيامك أسابق ليلتي واجيك
وعرفت أن الغلا خطوة وأنا واقف على بابك
جفون الغيم لو تمطر دريت ان الثرى ظاميك
ودريتي اني بلا موعد زرعت الحلم باهدابك .
