عندي لكم اليوم خلطة سهلة جدااااااااااااااااا
والحين الحمدلله صار نااااعم مرررة يهفهف على خدودي بس صدق عاد انا مجربتها على شعري مصبوغ ومتكسر وخشن
صدق وربي ان الربطة تنزل منه من نعومته ماشاء الله
وبالإضافة الى ذلك وربي لمعــــة غير طبيعية وبريق أخاذ
الخلطة هذي يابنات تخلي الشعر مثل الحرييييير وعلى ضمانتي ان شاء الله
بكل بسااااااطة اليكي المقادير :>> حست انها ببرنامج طبخ خخخ
فنجان ( قهوة ) لكل من :
حبة سوداء + زعتر مطحون ( حق الاكل )
+
علبة زيت حبة البركة + زيت زيتون بنفس الكمية
والطريقة : تخلطين الحبة السوداء مع الزعتر وتطحنينهم جيدا وتاخذين منهم
ملعقتين كبار (2 ملعقة شوربة )
وتحطينهم في بطل زجاجي وتضيفين عليهم زيت حبة البركة وزيت الزيتون
يعني يابنات لما تفرغون زيت حبة البركة ارجعو املؤ بنفس
زجاجة حبة البركة زيت زيتون وفرغوها عليهم
اخلطيم زين وبعد 3 ايام ابدي باستخدامهم وقبل كل استخدام رجي الخلطة جيدا
وعدد مرات وضعها بالاسبوع : براحتك مرة او مرتين
بالاسبوع او اذا كانت عندك مناسبة
وطريقة ومدة وضعها : توضع على الشعروتغطى بالبونيه او كيس نايلون جيدا
لمدة نصف ساعة الى ساعة وتغسل
بالشامبو واذا حبيتي استخدمي بعدها حمام الزيت او البلسم
وتمتعي بأنعـــم شعــر على الإطـــــلاق وبكل لمعان وبريق
ماراح تفارقين المراية خخخ
تحفظ بنفس درجة حرارة الغرفة
النتيجة : تبان من أول استخدام يعني مو شهر ولا أسبوع
يعني مالكم عذر تقولون بنجرب وبعد فترة نرد نخبرك بالنتيجة خخخ
بنات اللي تسويها اليوم او بكرة ياليت تخبرنا شنو النتيجة ياحبيباتي
ملاحظة
بنات ماأحلل اي وحدة تنقل خلطاتي لمنتديات اخرى بدون ذكر اسمي
لأن جميعها والله من اختراعي وتجاربي على نفسي
واللي ينفعني واستفيد منه ع طووووول اسجله بالمنتدى لكم ياحبيباتي
ابدو بتجربتها وعطوني رأيكم
دعواتكم لي ( يمنع وضع اسماء لمنتديات آخرى ) ربي يوفقكم كلكم
* قسم الترجمة : خخخ
زعتر الأكل : زعتر يجي مطحون ومعاه سمسم اللي نحطه على
الخبز وبالفطاير مع زيت الزيتون هذا معروف عند اهل الشام >>المنقوشة
انتبهو مو الزعتر الاعشاب اللي نحطه بالشاي
بطل = علبة زجاجية مثل حقت العصيرات
زيت حبة البركة : من اي مصنع بس مو تحطون اللي عليه صورة الجمل هذاك للجسم
زيت الزيتون : يفضل طبيعي واذا مو طبيعي ماكو مشكلة اي مصنع بعد عادي
وأي استفسار عيوووووني لكم انا جاهزة
تحياتي لكم وانتظرو المزيد من اختراعاتي
