،،،
العبره اللي لها كم يوم مكتومه
استوطنت في حشاى وخاوت عيوني
لقت لها في صميم القلب منظومه
توافقت مع جروحي واعشقت كوني
عامين مرت و هي فالروح معزومه
فالنون بين الهدب و الموق و جفوني
وبتروح و الكبرياء ماهانت عزومه
كله علشان من غابو ووصوني
والضحكه اللي لعين الناس مرسومه
ملت وهي مالبق لونه على لوني
مير المقادير مكتوبه و مقسومه
ومن لااحتسب مالقا صبرٍ ولاعوني
وانا رضيت القدر والعيش محرومه
وعسى العوض خير قدامي و من دوني
لو ينشري الضحك بشري لو غلا سومه
بفرح قلوب من حولي يحبوني
ارضيبها ابوي واخواني وملزومه
اجامل شعورهم لاجو يواسوني
بعيونهم مااحب اكون مهزومه
اخاف من زايد الامي يضيقوني
من لام من فارق امه ربي يلومه
وعساه يمشي مع العربان مجنوني
وعسى الغلا في جنان الخلد مخدومه
امي و مغزى القصيد وقرة عيوني
،،،
..]