السلام عليكم ورحمة الله وبركاته << وعليكم السلام صباحكم أحلى من عطر كازنوفا ??? ومساكم فواح من جنفشي
بعد تقرير الجنادرية وبعد ماشفت الردود اللي جدا اسعدتني حبيت اليوم احط لكم موضوع منوع وان شاء الله يكون موضوع فيه الفايدة والموهبة والحوار الجاد والأبتسامة ملاحظة :الموضوع معقد لمتعة المتابعة ارجو قراءة التعاليق
مساء الخير هالمرهـ بلاش آسف على التاخير مدام الرد بعيونك دموع بكل تاخيرهـ ثقل دم العذر والا كسح وجه الخطا تبرير مدامك عارف طبعي اجل وشو له الحيرهـ ترى ماجيت لاجل اسمع سواليفك عن التقصير اعرف ان الخطا مني بلاش نعيد هالسيرهـ انا وانت تحملنا بعضنا كثير تعودت على عنادي وصرت احب هالغيرهـ انا وانت حكايتنا مثل صدر السما والطير كثير اللي يطالعها ولااحدن طالها غيره
كنا يوم من الايام وبالتحديد يوم جمعة طالعين من المسجد ??? ورحنا كالعادهـ نسلم على جدي المهم جاء ولد العم وفرحان بيورينا مزرعته << مزرعتة توهـا ارض فاضية بس رحنا نتلقف ونشوف ومنها نجيب لكم كم صورة وأول مااستقبلنا الاخ وديع
بعدها سمعنا صوت طلق نار بس كملنا طريقنا لحوش الغنم وجبت صورة ابو القرون
وهذي صورة الغنم من وراء الشبك << أمبااااااااااااااااااع
بعدها بشوي الا جاي الصبي وساحباً وراهـ إم وديع وإم وديع ساحبتن وراهـ العربية والعربية فيها برسيم للغنم << يرحم امك اختصر
وأنا أناظر في الارض الا اشوف ذاك الخنفس اللي رافع على رجلين فكرة وفكرة وبعدين قلت بصورهـ وياحليله خلاني اصورهـ
بعدها صلينا العصر ورقينا الجبل وانا فوق الجبل نسمع صوت طلق نار بس ماعلينا جلسنا نتفرج ونتامل وانا نسمع صوت طلق النار بس ماعطيناهـ أي اهتمام بعدها قلت خلني اخذ صورتين اكشف فيها المنطقة
بعدهـا نزلنا من الجبل وتوكلنا على الله ومشينا وأنا نسمع صوت طلق النار << اقلقت امنا بطلق ناركـ
عرفت بعدها انهم شباب هاوين الصيد وطايحين صيد في هالقماري
بعدها وبكل برود نطلت وجهي عليهم وجلست معهم وهم يصيدون ومافيه الاطلق وتشوف هالفشق طاير والقماري طايح طلبت منهم اصورهم وماقصرو الله يعافيهم وهذي صورة واحد من الصيادين بسلاحه
وهذي فشقة من اللي انتهت << والله مايدري وش اسمها بس يقول فشقة على عماها
وهذي صورة الصياد وقت وقوع الضحية بس للاسف زوم كاميرتي ضعيف وحاولة بقد ماقدر اوضح لكم الطير وهو طايح
بعدها عاد توكلنا على الله وشكرتهم على تجاوبهم << تراهم حقين منتديات وسلطان قالهم عن منتداكم << فضيحه
¤¸¸.•´¯`•.¸• اجمل الصور من وجهة نظري لها الموضوع •¸.•´¯`•.¸¸¤
تراكم الصخور
النبته الشوكية
الشمس وقت الغبار
طريقنا وقت طلوعنا من المزرعة
الطريق المشجر << تعبيرك لعطيك سوبلكس خلفي
صورة ليلية للبحرين وموضح فيها صورة المبنى
وردهـ بلا روح
واخر صورة من اجمل صوري صورة بنت احد زملائي وفي نفس الوقت احد اقاربي رنــــــــــــــــــــــودة << ابوها مايدري ولا لويدري والله ليزنطني وعلى فكرة صورتها ليلية وبدون فلاش وحطيت عليها لمسة فلتر
يتبعـ
<<<< ........ >>>>
اخي العزيز / اختي العزيزة .. الرجاء وضع توقيع واحد فقط وبحجم مناسب !! كما نرجوا منكم عدم وضع توقيع صوتي يظهر تلقائي اثناء فتح الصحفه .
جاني ذاك اليوم أيميل من احد الزملاء << يادبلوماسي المهم مضمون الايميل تصميم له وبصراحة فكرة التصميم جدا رائعة والتصميم على مااعتقد اهداء لفطوم << من فطوم اعترف فبكل صراحة اعجبت به لدرجة اني كنت بسرقهـ والعب عليكم واقولكم انا اللي مسوية فعاد خذته وغيرت مكان توقيعه وحطيت توقيعي << ضريبة سرقات ان شاء الله يعجبكم << وسامحني ريان على السرقة بس خليت حقوقك محفوظة
عندي واحد من اخواني خبل مصور نفسهـ وهو لاعب في وجهه بالكحل ولا مكتوب على الصورة ابو شهاب << متأثر بس الصورة مو واضحة لانه مصورها من جواله والاضاءهـ ضعيفة
وأنا أدور في النت دخلت على موقع تصوير شخصي قعدت ادور وادور وبعدها لقيت صورة هالصغير الله يخليه لااهله << سرقها لانه يشبه محمد هنيدي وهو خليجي ولا وش رايكم
لكل شخص حاب انه يروح البحرين وبالاخص السيــــف أنصحه يروح مطعم أسمه تري يم يم عندهـ اكله غير شكل أسمها بستا تسوى قدامك وبالطلبات اللي انت تبيها << بس لاتصيرون مثل سلطان غبي راح للكاشير وقال لها ابي وابي وزيادة جبن المهم قالت له صف بالدورعلشان تطلب اللي انت تبيه بالانجليزي << عاد اخوكم سلطان مالت عليه في الانجليزي يطقطق ومافهم عليها الا رح اطلب بعدين ارجع حاسب عندي << مافهم المطلوب بالضبط وتفشل قدام العالم << قال انه بيصرف الموضوع راح طلب من بابا جونز المحل اللي جنبه علطول وياريته ماطلب << الاكل ماكلوهـ الله يكرم النعمة واول مرهـ اشوف بيتزا والصوص سمن << والله لو اني طالب قرص وعسل سدر عاد هذي صورة الاكله اللي اقولكم عليها (( البستا )) ذوقوها وادعو لي بستا
وأنا أدور مرهـ في أحد أسواق البحرين وبالاخص الدانوب لقيت هالرجال << صاحب اطول شنب في العالم بموسوعة جينيس للارقام القياسية تصدقون انه حاط جل على شنبه جل علشان يثبت طبعا هالصورة سارقها لاني ماصورت معه
لاحظنا الحين في أكثر المواقع صور لبنات شخصية بس ماادري وش يحسون به اللي طايحين لك في تصوير مشروباتهم
واللي طايحين لك في تصوير رجولهم
واللي طايحين في تصوير ايديهم
طيب انا من ملاحظتي الدقيقة لقيت اكثر استهبال البنات مع بنات خالتهم طيب ليه ماتقول انا وبنت عمي او عمتي او خالي ليه دايم يقولون انا وبنت خالتي
كل يوم اقراء الجرايد اليومية طبعا من محبين الكريكتير بشكل مش طبيعي عاد لقطت لكم كريكتير ضحكت عليه من قلب واهني اللي راسمه
وهذا كريكتير معبر وصدق الحين انا يالشباب اللي على وجه زواج وشلون رواتبنا بتكفي اكل وشرب وسكن وغيرهـ وصدق الرسام في هذا الكريكتير لانه يتكلم عن المتزوجين والمبتلشين بالسكن
عاد الحين جينا لنهاية موضوعي وحبيت اختمها بصورتين صورتها وتنفع لتصميم أولهم شيخنا وهو يشخص << مايحب التصوير ولو يدري اني مصورهـ بيقطع يدي ويبلعها لوديع اللي فوق
وهذي صورة حبيب البي ولد العم عيوني حزينة تنفع بعد تصاميم
اخي العزيز / اختي العزيزة .. الرجاء وضع توقيع واحد فقط وبحجم مناسب !! كما نرجوا منكم عدم وضع توقيع صوتي يظهر تلقائي اثناء فتح الصحفه .
[ المزرعــــ (( موضوعـ منوعـ )) ـــــــــــة ™] 
راح للكاشير وقال لها ابي وابي وزيادة جبن المهم قالت له صف بالدورعلشان تطلب اللي انت تبيه بالانجليزي
