كثر المواصل في الهوى ماهو بزين
ودك بخلك بين مـــــــــده ومـــــــده
لن ابن ادم ماتــرك طبعــه الشيـــن
لاحب له شيء وشبــع منـه هــــده
لكـن لمنه جــاك من حيـن لـحيـن
قــدرت جيـاتـه وقـدرت صــــده
فان قلت ابيك وقال ماهوب ذا الحين
لاتبلشه يمكن ظروفه تحده
اصبر عليه ايام وشهور وسنين
ان كانه يودك وكانك توده
وخلك لمنه اعطااك ماتطلبه دين
ماجاك منه اخذه ومارد رده
ولاتسوي مثل ناس مجانين
اصلك وفصلك فالهوى لاتعده
الحب مايعرف قبيله ولادين
نكس حكومات وكسر اشده
جاااووه عقالن وراحوا مجانين
وكم واحد خاضه ولا هوب قده
يقووله اللي جاحدن علته لين
سم الهوى حاله وبيح بسده
هذا كلامي وانت بتشوف بعدين
والله ان تميز بين مزحه وجده
للشاعر **عبدالله علوش**
