أمل دنياي

--------------------------------------------------------------------------------

غرامي .. فاتني .. عمري .. حياتي .. غـايـتـي و مـنـاي
تـجـي أو ماتجي بـاقـي جـروحك بـعـتني فيها


انا أعرفك واعرف ان السمك يفنى بهجر الماي
واعــرف إني هـقـيـتـك هقوةٍ مـاخـاب هاقيها


حبيبي لو مشيت بعكس دربك مـاتـسـيـر أخطاي
انا اشـلون أبمشي الخطوه اللي مانت ماشيها


يقولون الهواء بلوى انا راضي عـلـى بـالواي
تــرى بـعـض الـبـلاوي مـرهـا يـمـكـن محليها


عطيتك كل عمري وأبتسمت وقلت ويـش الراي
تـبـي تنسى السنين اللي مضت أو منت ناسيها


ضـحكت الضحكه اللي كنها تشفق لصوت الناي
وذرفـت الـدمـعـه اللي عن عيوني كنت مخفيها


دريـت انـك حـبـيـبـي قـبل اعرف انك أمل دنياي
دريـت إنـي أمــوتــك فــاول أسـنيـنـي وتالـيـهـا


يـا جـرحـي آه يا أخـر عـذابٍ مـاحـكـته أشـفـاي
أبـذبـح طـاري الـفـرقـا بـوصـلك قـبـل تـطـريـهـا


ولـكـن لـو قـطـعت الوصل والله ماتشوف أبكاي
تـجي او مـاتـجـي هـذي جـروحـك بـعـتـنـي فيها