على همس الغروب اللي دعاني للمكان وجيـت
وقفت وطاح مسباح اليديـن وثـارت أشجانـي
تذكرت الحبيب اللي تركني بين ليـت وليـت
وانا لحظة غـروب الشمـس تأمرنـي وتنهانـي
امد الشوف واسبح في خيالات الفضاء لاأمسيت
أسيـر المنظـر اللـي لانظرتـه هـز وجدانـي
هواجيس ٍعلى موعد غياب الشمس بالتوقيـت
ليـا غابـت يغيـب النـور وهمومـي تبلانـي
احاكي هاجس الذكرى واقول من الوله حييـت
لو أن الجرح الأول يختفـي فـي جرحـي الثانـي
ولا ياطيفي الغالي عسى عقب البطـا ماجيـت
ياليتك رحت مع ذاك الحبيـب اللـي تناسانـي
ترى ماهوب حق تبعثـر أوراقـي ليـا مريـت
تسافربـي علـى درب السهـر وتـرد وحدانـي
حبيبي لاتجاهلني وأنـا فـي غيبتـك ناديـت
تسمّع في صدى صوتـي وفتـش ويـن تلقانـي
تحصلني على شاطي بحـرك وضفتـه رسيّـت
بعدها شالنـي موجـك ولا ادري ويـن ودانـي
مادام اني كتبت اسمك قصيدة شـوق لاغنيـت
أنـا مابيـك تكتبنـي علـى كفّـك وتمحانـي
^
^
^
مما اعجبني..,,
