>> الجــزء العــاشر <<
>==(( أحبـــك يادمـــوع ))==<
×
×
×
الدنيـــا دااارت من حولها ... مو فاهمه شيء من كلام ابوها لحد الحين .. عمي يبيني لولده ..!! أفضل الرجال وليد ..؟
وش ذا الكلمات الغريبه المخيفه بنفس الوقت ..!!
لفت راسها تناظر مدخل الصاله تنتظر أحد يجي يصحيها من هالحلم الي تسمعه وهي مفتح عيونها على كبرهم ..!
وقــفت من غير شعوور والتفتت لأبوها وهمست بالموووت " يبه نتكلم بغرفتي الله يخليك "
هز بو حمد راسه بتفهم والأبتسامه على فمه ووقف مع بنته ..
==(( بيان ))==
لحظه يادنيــا ..!! تو النااااااس على الصدماااات .. تو الناااس ... ياااربِ الي سمعته قبل شوي صحيح ..؟
وليــد مايبيــني يبــي ليلى ... يبي ليلى
فتحت باب غرفتي ودخلت وتوجهت على طول على السرير وجلست عليه وانا منزله راااسي ومسكره عيووني بالقووووووووه
حسيت ابوي يجلس جنبي ... وحط يده على كتفي والفرحه في صووته " ها يابنتي وش قلتي ..؟ (( سكت شوي وكمل )) شيء طبيعي اني اواافق على ولد عمك بسرعه .. لكن انا ماحبيت اعطي موافقه قبل مااستشيرك (( سمعته يااخذ نفس وكأن الدنياا مو ساايعته من الفرحه )) انا ربيتك يابياان وماابي اجبرك على شيء .. وجيت اسمع موافقتك بنفسي .. وترى وليد ماينعاب"
آآآه ياقلبي ضاااااااامن موافقتي ضااامنها ..!! اول شيء جاااء في بالي ساااره .. ايه ساااره .. قبل شووي كنت اتكلم معها
نزلت راسي اكثر وحطيت يديني على وجهي ونفسي ابكي ... اطلع الي دااخلي .. لكن الدموووع متمرده ..!! ومعانده تطلع ..!!
ثاني شيء جاء على بالي عيون وليــد في ذاك اليوم المشئوم وهو يقولي " الظاهر ماتربيتي وانا الي بربيك "
جاااي ينتقم ؟؟؟ اكيـــد ينتقم ولا هو يبي ليلى ..!! ماراح ياخذ حبيبته علشاان يربيني بس ..
وقفت لاشعورياً وانا حاسه اني بنهاار ... حب سااره له .. حبه لليلى .. انتقامه مني .. كرهي له
كل هالأشياء اجتمعت بهاللحظه .. جلست على السرير مره ثانيه وانا اناظر في عيون ابوي الي يناظرني بأستغراب من ردات فعلي الغريبه بالنسبه له ..!!
همس وهو يمسح على شعري " وش فيك يمه ..؟ "
مارديت .... كل الي ســـويته انسدحت على بطني وحطيت وجهي بالمخده
شهقــت شهقه رحبت بالدموووع بعدها
ظليــت ابكي يمكن عشر دقايق مو حااسه بنفسي ... فجأه شفــت يد تهزني بحنااان .. لفيت وجهي المليااان دموووع .. وشفت ابوي وامي وجدتي ومشاري وحمد وسطام موجودين
كيف دخلوا ..؟ ماحسيت فيهم حتى
سرحــت .. ونسيت الي حولي من التفكير
فجأه نزلت عيوني على يد سطام الي مازالت على كتفي
وانا اهمس " خلوني لوحدي "
ماحد رد الا سطام الي جلس بطرف سريري من غيــــــر ســابق انذااار .... ضمـــــني
هذا سطااام اخووووووي .. اخوي الكبيــر
ضميته وبكيت وانا ادفن وجهي بكتفــه الدافي ... كان يمرر يدينه على شعري وهو يهديني .. يمكن فهمني يانااس يمكن ..!!
ليه احس بهاللحظه اني صرت مجنونه لأني مو قد الموقف .. لدرجه جلست ابكي بدون مااعلم اهلي السبب
يااااربِ ارحمني .. ابعد ولد عمي الحقوود عن طريقي ... اجعلني اعيــش بسعااده تحلم فيها كل بنت ... ماابي اعيش مسلسل الحيااه ما أبي ..!!
ناااظر سطاام في ابوي .. وبهدوء تكلم " يبه اطلعوا شوي بكلم بياان دقايق "
الكل طلـع وعلامات الأستفهام فوق رااسهم وانا لما الحين ضاامه سطاام ماابي اتركه ثانيه وحده
مشااري هو الي كان يهتم فيني .. وحمد ماخذ دوور الدكتور .. لكن سطاام كان هاادي بحاااله
لكن الحين احسه حااس فيني ... ايه لاازم اقوله اني راافضه لاااازم هو الي بيفهمني اكيد
رفعت راسي له وهو كان يناظرني وعلى فمه ابتسامه هااديه .. تكلم وهو يرفع حواجبه بمرح " لهالدرجه طااري الزواج يخوف ..؟ "
هزيت راسي بهدوء بمعنى لا .. وانا ودي اقوله الي بخااطري .. بس كيف ..؟ كيف اوصله الكلام الي عندي
سألني بأستغراب " اجل ليه كل الدمووع ..؟ "
حسيت نفسي مخنووقه .. مو عارفه اجااوب .. فكرت في شيء اقوله " سطااام انا ماابي اترككم واتزوج انا توني صغيره .. ضي اكبر مني ياسطاام اكبر مني "
ابتسم لي سطام وهو يلعب بخصلات شعري " الله يهديكِ بيان خووفتي الكل عليك ... بالنهايه طلعتي تبكي لأنك صغيره "
جيت برد بس هو سكتني بيده وهو يقرب وجه مني .. قالي بهدوء ورزانه وثقــه بنفس الوقت " بيان ... ماراح تلقي لو بعد عشر سنين مثل وليــد .. وليد قدوتنا يالشباب .. اجتهد من هو صغير علشان يرفع رااس ابوه وراس اهله .. اعتمد على نفسه في سن مبكر .. ساافر ورجع مثل ماهو حتى غرور مااغتر على احد .. (( رجع رااسه على ورى كأنه يفكر )) بيان ... انا اخوك واعرف مصلحتك ماابي شيء يضرك ... (( التفت علي )) كل شاب بهالدنيا عنده تجاارب مع بناات بأيام المراهقه .. وليــد خذي الكلام مني .. ماعمره فكر بهالشيء وانتي يمكن عارفه كيف ان شغله الشاغل الدراسه وبس ... بيان لاتضيعينه عليك بسبب خوفك انك تتركينا .. وليد يعتمد عليه .. نحطك بأيدي امينه وحنا مرتاحين .. وصراحه (( وقف يتمدد بكسل وهو يبتسم لي )) ماتوقعته يخطبك .. احسب بيخطب وحده اكبر يعني ... لكن هذا (( اشر علي )) من حظك "
وش اقوول ..؟ بعد هالحكي وش ممكن اقول ..؟ أي عذر بيقبلونه مني ..؟
رجعت رااسي على ورى وانا ادعي (( ياااااااااارب ارحمني يااااااااارب انت الوحيد الي تعرف الي بقلبي ))
دخلت بهالوقت جدتي ومشااري ... ناظرت مشااري بحزن .. يمكن مشااري هو الي بيفهمني من غير لا أتكلم ..
سبقني مشااري بالكلام " بياااان شو هالدلع يابنتي .. كل هذا البكي بس علشان خطبه اجل كيف بالزواج ههههههههه "
لااااااااا حتى هذا ... الظااهر مافيه الا اتكلم واقول كلمه وحده (( لاااااا ))
قرب مني مشااري وجلس جنبي وهو يتكلم بمرحه المعتااد " اسمعي بياان لو ماتبينه .. من الحين اقوولك انزل واشمر عن ذراعيني واضربه كم كف واطرده برى .. على جثتي تاخذينه "
ضحك سطام " ههههههههههه اقول منااك ياخوفي هو الي يكفخك "
مد مشااري بوزه " ايه والله شكله يلعب كارتيه "
سطام " هههههههههههههههههه ايه بالله من هالعضلات شكله (( التفت علي )) شووفي اذا وافقتي رااح نعلمك كيف تدافعي عن نفسك .. الي يرفعون الأثقال ينخااف منهم عليهم مزاجات "
تكلمت جدتي معصبه عليهم " اقوول انت وياه برى .. نااس فااضيه صدق .. اطلعوا بكلم بنتي "
مشوا بيطلعون وهم يضحكون على نفسهم ومشاري سوا نفسه زعلان " افااا ياجدتي يعني هي بنتك وحنا لا "
ماردت عليه جدتي وسكرت الباب وراهم وجات عندي وانا ضاامه رجليني على صدري ومسنده ذقني على ركبتي
تأملتني شووي وهي تبتسم ... ماتحملت نظراتها والدموع تسيل على خدودي .. لفيت برااسي للجه الثانيه اخفي دموعي
جلست جدتي جنبي وتنهدت " والله يابنتي ماادري وش فيك بالضبط .. لكن يمكن صدمه ان ولد عمك خطبك .. وانتي تعرفين ان مستحيل هالمره ترفضين "
مستحيــــــــل .!!!!! لا مو مستحيييييييييل برفض يعني برفض مهما قلتوا
كملت جدتي وهي تمسح على ذراعي " بياان يابنتي .. ترى ولد عمك وليـــد هو الرجاال الي كنت ادعي لك كل يوم .. يجيلك مثله .. وهذا هو جااك بنفسه .. ماابيك تبكين بس لأنك انخطبتي ... لازم تشتكين لي يابنتي وش مشكلتك يمكن اقدر اساعدك "
مشلكلتي ياجدتي اني ماابيه ....... كان نفسي اصرخ بهالجمله ... نفسي اقولهم اني اعرف ان ولييييد فيه كل الصفاات الزينه لكن حقده علي اعماااه
نفسي اعرف وش سويت له ..؟ يهدم حيااتي ويتزوجني بس علشان ينتقم اني قلت له ابعد عني ذاك اليوم ....؟!
نااظرت بعيون جدتي الملياانه حنيــه .. اقولها ..؟ اقولها اني ماابيه لانه يحب ليلى .... اقولها اني ماابيه لان ساره تحبه
اقولها ماابيه لانه مايحبني يعتبرني طفله لا اكثر ولا اقل .. وهالزوااج علشاان يربيني بــس ..! ههه مسخره وربي
نزلت نظراتي أخيــراً ونطقت بكلمه وحده " ما أبيـــه "
حيت ان جدتي تفااجئت من قلبها .. تكلمت بخووف " ليه ماتبيه يايمه ..؟ هذا اليوم كل بنت تتمناه ... ليه ترفضين ..؟ انتي كبرتي يايمه وش تنتظرين ؟؟"
لفيت راسي الجهه الثاني وتكلمت وانا اشهق " يمــ ــه انا ماابيه ... الله يخليك لاتضغطين علي "
وقفت جدتي وربتت على راسي ومشت بتطلع ..
زعلت منــي ...؟؟!! اكيد زعلت .. يااااااااااااااااااااااااااربي
حطيت يدي على عيوني الي الموني من كثر الدموع ... حسبي الله عليك ياوليــد عذبتــني
فتحت جدتي الباب بالوقت الي جااء ابوي بيدخل ... ناظرته وهو يسألها براسه وش صاار .. وهي هزت راسها خاايبه ..
ناظرني بقلق .. وانا نزلت رااسي .. سمعته يقوول بهدوء " بياان لاتبكين خلااص .. الي تبينه يصير .. وانسي السالفه .. ماحد ماخذ الا نصيبــه "
طلع مع جدتي وسكر الباب وراه
فرحتـــــي بهالكلمــات ماتــــــوصف بالحرووووووووووف
هذا ابــــــــوي الي طووول عمره مايرفض لي طلـــب .. ابتسمت وانا امسح دمووعي واوقف
بس اختفت بسمتي وانا اتذكر تفكيري .. ماعمره رفض لي طلب ..؟ بس انا الحين رفضت له طلب
مشيت احااول ابعد هالتفكير من بالي .. ووقفت عند الباب وانا اسمع صوت امــي برى عند غرفتي
" انت من صدقك يا أحمد ؟؟ بتقوول حق اخووك البنت راافضه تاخذ ولدك ..؟ من جدك تتكلم ..؟"
رد عليها ابوي بصوت متردد لأول مره اسمعه " وش اسوي يام حمد وش اسوي ... موقف مو عاارف اواجهه ... المشكله وليــد ولا بالأحلام بنت ترفضه .. لكن الحيـن ..!! ماادري يام حمد شقول والله "
تكلمت جدتي بصوت قلق وهادي " المهم رااحة البنت .. واخوك رجاال متفهم مو مثل بعض الرجاال بيزعل ولا بيطلع معصب "
ردت امي معصبه " وش تقولين يايمه ..؟ بنتي بتفرق بين عمامها وابوها .. اكيد هالسالفه ماراح تعدي على خيــر .. حتى لو كان بو وليد متفهم راح يحز بخااطره وماراح يصير مره معنى مثل اول "
حطيــت يدي على فمي بصدمــه
ردت جدتي تعابت امي " وش نسوي ياوفاء ..؟ نغصب البنت ؟ "
امي معصبه " أيــه نغصبــها .. هذا الدلال ومايســـوي .. شووفي آخرتها ردت رجاال ماراح تلقاااه ولا بأحلامها (( خفتت صوتها برجااء لابوي )) أحمد والي يسلمك لاترد وليـد .. لو فيه عيــب انا امها ماراح ارضى عليها .. بس الرجال مافيه ولا عيب واحد .. ماابي بنتــي تصير سبب بتفرق العاايله والمشكله تـ .. "
قاطعها ابوي بحزم رجع له بسرعه " ماراح اجبر بنتي علشاان مااتفرق انا وخواني ... بنتي اهم من أي انسان بالعالم .. وهذه عشرة عمر يام حمد "
وقبـــل ماترد امــي .. طلعت بعد ماسمحت دمووعي ..
التفتوا لي امي وجدتي وابوي .. تكلمت وانا رافعه راسي بثقــه كااااااااااذبه
" يبـــه سماحني لاني رفضت قبل شووي بس مثل ماقالت امـــي الدلع ومايسوي "
ناظرت امي بأبتسامه وشفت الراحه بعيونها ,,, هذا الي ابيه بهالدنياا راحة امي .. والله يساامحها لكن هي ماتعرف المصيبــه الي بعيشها بحياتي
رجعت اناظر ابوي وقلت بصووت متقطع والثقه اختفت " مــ ــوافـ ــقه "
يتبع..........
((ما عــــــــــاش من يذلنــــــي ))
.gif "56wat 7cc 0(24)")
