يـ أخي مصيبه إذا بـ الحال ماتدري ,,
ورسالة الشوق تو إرسالها جاري ..
عودت عيني معاشر جفنك الخدري ,,
وإقفيت كنك تصب الحزن بـ قواري ..
كم شفت صورت ملامح وجهك البدري ,,
كم مر صوتك على قلبي وهو ساري ..
إموت وإحيا ولا لي ثار من يدري ,,
يمكن يجي يوم وإحيا وإخذ بـ ثاري ..
يـ نجم يالي تقول الناس من حدري ,,
يـ صفقة الطيب عند البايع الشاري ..
يـ مبدع بطعنتي يـ ذوق في غدري ,,
لله دري ورد الصدق بـ إشعاري ..
عرفت قدرك ولاني جاهل بـ قدري ,,
مشكور جدا" على تقصير مشواري ..
جرحت قلبي على فرقاك من بدري ,,
لاعاد تنشد ولا تسأل عن إخباري ..
بـ الامس سولفت عن حبك وأنا مدري ,,
واليوم سولفت عن جرحك وأنا داري ..
ماغير إهذري وإفضفض شي بـ صدري ,,
وإطفي النور في قلبي وفي داري ..
بيدك جمعي وبيدين العرب هدري ,,
والقلب بيتك وضلعك صاير إجداري ..
وأنا وقلبي إذا مريت ماندري ,,
وإن جابك الليل قلنا له وش الـطـاري..؟!
لـ شـاعـر عـبـدالـلـهـ ذويـبـان ..
وش الـطـاري..؟! 
..]
}