اخي المواطن / اختي المواطنه
تم حذف مووضوعك لأحد الاسباب التالية :
* ياموضوعك ماصل يا أنت ماصل . وفي الحالتين ( لا للمصاله )
* يا موضوعك ( مكرر ) والصراحه طقت تسبودنا من كثر ما شفنا المواضيع المكرره .
* يا مووضوعك ( منقول ) يعني قديم ... معد له طعم ولا ريحة .
* ياموضوعك محيوس تسنه طريق الملك فهد عقب الظهر لاهوب مرتب ولاهوب ملون ولاهوب منسق .
بعض النقاط المهمه
حاول تطور نفسك
حاول تكون انسان مبدع
حاول تنشئ لك قصه
كوميديه هادفه من نسج خيالك
حاول تخلي الجميع يتشوقون لمواضيعك
حاول تكتب لك قصه بينك وبين نفسك ..
مره . مرتين .. ثلاث ... اربع ....
صدقني فالاخير راح تكون مبدع
النسخ والقص واللزق
ماراح تضيف لك شي ابد
ملاحظه
انشاء القصه مهوب لازم في نفس اليوم
تقدر تنشئ لك قصه خلال اسبوع .. او شهر
خل معك ورقه وقلم وكل ماجاء في بالك شي جديد
وأنت فالبيت او فالسياره او في محل عام ..... الخ
وتذكرت شي مناسب مع قصتك
اكتبه فالورقه اللين تحس انك انشأت قصه كامله
العلم نور والجهل اصطب سيكل
فلا يئس مع الحياة ولا حياة مع اليأس
والاسعار كل مالها ترتفع 
في انتظار ابداعاتكم
يخليكم ربي 
العرض العادي
