السلام عليكم ورحمة الله وبركاته
مساكم الله بالرضا والعافية
.
.
.
موضوعي عن الطفولة.... وما أدراك ما الطفولة
.
أحلى مافي الطفولة .... إن ماحد يشره عليك... ولا أحد يلومك بأي شي تسويه
عايش حياتك..... تلعب... تخرب ... تكبكب على عمرك الأكل...
تقول اللي تبغاه... تسوي اللي تبغاه....
.
.
.
ولكن في بعض الأحيان .... إذا قمت تخربط وتزودها
تاكل لك علقه ساخنة.... وبعدها تهجد..... وتقضب أرضك
.
.
يوم كنت صغير....
كنت طفل عفوي جدا...
أسأل عن أي شي....
كنت طفل بريء
أبغى أعرف كل شي....
.
.
.
وكان عندي أهل....... الله يحفظهم
كانو شادين علي بقوووة
ولا أدري ليش.... مع أن الوضع المادي ممتاز الحمدلله
.
مدري عشان شقاوة الأطفال؟؟؟
ولا عشاني _أفدغ_ ما أحافظ على القرش؟؟؟
.
ومن هالناحية... أنا يوم أني بزر..... لو تعطيني نــص ريال.... أخلصه بيوم
ولو تعطيني خمسمـــية ..... أخلصها بيوم..... ولا عندي....
.
.
بس أهلي كانو عارفين لي ذاك الوقت...
ومحجرين لي صح....
.
.
تصدقون يا جماعة كنت أنرحم ذيك الأيام....
.
كنت ما أشوف الببسي ... إلا كل شهر مرة
أو أشوفه بالأعراس (هذا إذا ودوني معهم).....
.
كنت ما أشوف الشاورما إلا بالعطل بس!!!!!
.
كنت ما أعرف شكل العملة السعودية ..... إلا فـئـة الريال والخمسة فــــقــــــط
.
.
.
مرة ولد خالتي يوم كنا بزارين...... أبوه عطاه عشرة ريال..... ووراني العشرة.....
وسألته:::: وش هاذي الفلوس؟؟؟؟ هاذي ميب فلوس سعودية!!!!
.
.
أقولكم الحالة يرثى لها بالصغر...
.
كان مصروفي في اليوم.... ريـــــال واحد فقط..... حق العصير بس...
.
وكنت أكره الفسحة الثانية
لأني كنت أشوف البزارين ياكلون حلاو من المقصف .... وأنا ما عندي ولا هلله...
.
ذاك الوقت كنت مجنوون حلويات وأسكريمات....
أسوي المستحيل .... عشان أسكريم أبو نص (كواليتي بالمنجا)
.
بس إذا جتني فرصة.... ولا جتني دراهم ..... ينقـلـــب الطفل المسكين ... إلى ثـعـلـب...
.
.
.
.
مرة من المرات....
.
.
كنت جالس على عتبة الباب بالعصريات.....
وأتخيل قدامي أسكريم....
ولكن أنواع التطفير....
وراعي البقالة صطرني ذيك المرة يوم سرقت حلاو ... وهربت.... ثمن جيت البقالة بعد يومين.... على أنه نسى السالفة....!!!!!!!
يرحم أم الدلاخة.... بالله تبيه ينسى خلال يومين يا سبهه؟؟؟
.
.
المهم...
.
.
ولد جيراننا أسمه (بندر) الله يذكره بالخير.....
كان ذاك الوقت ..... يعتبر غني....
لأن مصروفه ريالين باليوم..... مب مثلي ريال....
.
.
ومر من عند البيت ومعه الريالين حقت الدوام .... ما صرفها.... ويبي يباشر علي وعلى أخواني الثنين....
عز الله أنه أجودي.... وولد حلال
.
.
أول ما شفته ..... بدون سلام ولا كلام..... قلت له::: معك نـــص ريال؟؟؟؟
أقسم بالله حاله صععععبة...... يعني ما سألته ::: معك ريال...... لا.... أبي بس نص ريال حق الأسكريم.....
.
قال لي معي رياااااليـــــن!!!!!
.
أنا بغيت أنهبل يوم قال ريالين...... قلت له تكككككفى أبي تسلفني نص...
قال أبشر..... ما طلبت شي....
وعلى طلعة أخواني الثنين من البيت....
.
وصار عددنا أربعة...
يعني تكفينا نشتري أربع أسكريمات أم نــــص...
.
.
ونروح البقالة
وأنا شوي ... وأنشــــق نصين من الفرحة!!!!
.
ونوصل البقالة..
ويطردني السوداني حق البقالة...... لأني طبعآ صاحب سوابق....
وخلاهم يدخلون هم بس....
طبعآ أنا ميب فارقة معي...... بياصلني الأسكريم...
.
.
وما هي إلا ثواني ......
وهم جايين بالأسكريمات...
.
وعلطوووول ... فتحت الأسكريم حقي ... ووالله أنها دقيقة... أو أقل بعد ..... وأنا مخللللص عليه......
.
لكن لسه ما شبعت من الأسكريم...
.
وأخواني الثنين.... ما طولوا بالأسكريمات حقاتهم.... بلعوها بخمس دقايق...
.
وبندر (المسكين) جلس =يلوحس= بأسكريمه قدامي.....
.
وأنا جالس أطالعه وهو ياكل...
وأنوااااع السعابيل.....
.
.
ونمشي راجعين لبيوتنا مع بندر... وهو لسه ما خلص ولا نص أسكريمه....
.
وأنواع السعابيل...
.
ونمشي...
.
وأنواع السعابيل...
.
ونمشي...
.
وأنواع السعابيل...
.
ونمشي...
.
(أقول كمل لا أصطرك على أذنك....!!!!!)
.
.
.
المهم يا جماعة الخير
=====العين حق====
..
..
..
فجأه
.
.
شهقت أنا بلا شعور..... وأنا خاش جو مع منظر الأسكريم....
.
وصابت العين....
.
.
أستغفر الله وأتوب إليه...
.
.
بندر المسكين ....شــرق بالأسكريم.... وجلس يكحححح.... ويكحححح...... وجدع الأسكريم .... وراح لبيتهم وهو يكحكح...
.
أخواني الأثنين..... راحو معه لبيتهم... يودونه لم أهله...
.
.
.
.
.
وأنــــــا.............. مــــــاذا فـــــــعلـــــــت؟؟؟؟؟
.
.
.
.
.
.
.
بكل بساطة.......... أخذت أسكريمه اللي طاح بالأرض
وغسلته بالحمام.....
وأكلته...!!!!!!
.
.
.
بالهنا والشفا.....!!!!!!
ســـبــــعــتــــن شــــلوووووك فـــــي خـــــبـــــق ......!!!!!
.
.
..
.
.
يوم أكلت الأسكريم وأنتهيت
..
حسيت أني إنسان وقح وتااااافه.....
.
يعني هذا جزا بندر المسكين يوم أنه يباشر عليك.....
تبيع صداقته...... عشان نـــــــــص ريااااال؟؟؟؟
.
.
لكن الظروف...
.
اللي تخلي القلابة........ شكشوكه بدون طماط.....
.
.
.
.
.
تمت القصة .....
و أوافيكم بقصص أخرى في المستقبل القريب بإذن الله
.
.
.
آراء بعض الأدباء
جهاد الخازن : فن الروايه صعب ويبي له محاولات مستميته مع تمنياتي القلبيه ان يكتفي بهذه المحاولة!
غازي القصيبي : ما كان عندي وقت أقرا روايته لكن يوم لقيت وقت وجيت أقراها حذرني جهاد الخازن وقال انصحك اسحب عليه هو وراويته وهذا بالفعل ماحدث !
إياد مدني : انا ماعلي من روايته .. انا ماقهرني الا يوم يخنبق عني ويكتب عني موضوعن كامل .. اما روايته أكيد زي وجهي <<< في هذي قسم بالله صدقت!
هيفاء وهبي : انا ما عم ببكي من شان الروايي نفسا .. انا ببكي على عقلية الراوي! مسكيني إموو احلى
خلف بن هذال : من أبدع ما قرأت من الروايات.. من زود الاستمتاع حسيت أني قاعد أشرب حيليب نياق مانيب أقرا روايه <<< تكفى يابوهذال لا عاد تمدح !
أحمد جميل: راوية تستحق الانبراش ! قصدي تستحق القراءه <<< شكله يحسبها يوسف !!
حسن عسيري: ( مفرح )
في تي تلفقها تاك انه يوم صغير يزحلط مع ولد جاره
قصتي يوم كنت صغير !! 
