السلام عليكم ورحمة الله وبركاته

حيااكم الله كاااااالكم

بصرااحه عندي موضوع مشغل بالي وهو الي خلاني اكتب ذا الموضوع

السالفه اننا ندور لاخوي بنت حلوة ومؤدبه ومدري ايش المهم طلباته كثيرة

دورنا دورنا ما حصلنا ؟؟؟

عاد وحده الله يجزاها خير دلتنا على خطابه

الكل اعترض وقال اعوذ بالله خطابه اكيد ذا الي عندن الخطابات فيه بلا ومن ذا الحكي الماصخ

عاد انا هنا ابي رايكم وش رايكم بالزواج عن طريق الخطابه

يعني هل تؤيدون الخطابه انها تبحث لكم عن زوجه ولد او زوجة اخ وزوجه


تكفوون ابي رايكم بصرااحه واذ فيه بنات ترضون انكم تحطون اساميكم عند خطابات

ولو انت يا الولد حبيت تتزوج تدور عن طريق خطابه عادي

انتظر ردودكم وبصرااحه تكفوووون

تحيااتي...دمووع

اخت دموع اسمحيلي بمداخلة صغيرة


موضوع انك تزوجين اخوك عن طريق خطابة موضوع لا يحق لنا البث فيه

لانه موضوع يخص اخوك وهو اللي بيتزوج مو نحن

اما مسألة هل نحن نرضى باننا نتزوج عن طريق خطابة

فانا ردي بيكون لا لا لا

لاسباب عديدة

اولها :؛ الخطابة يبيلها فلوس
ونحنا ياشباب هاليومين يالله نوفر مصاريف العرس والمهر
تبينا ندفع للخطابات

ثانيها:؛ مو كل خطابة عندها ضمير
يعني يمكن تلعب على الخبول واللي عقولهم ناقصة
وتوريهم صورة بنت قمر وهي جيكرة
وازا طلب الرؤية الشرعية قالت اهلها ما يرضون000مايرضون وحاطين صورتها عند خطابة

وثالثها والاهم :؛ انا ابي وحدة ما شافها غيري احد مو وحدة معروضة على عشرين قبلي

وغيرها من الاسباب الكثيرة اللي تخليني ارفض هزي الفكرة


وتقبلي مروري المتواضع

وشكرآ

هلا فيك حبيبتي تؤبر سبدي

معقوله يعني عندكم مثل الي عندنا والله صار لنا سنه واحنا ندور وكل وحده يطلع فيها مية عيب

وعلى رائيك الي يتشرط اخرتها بيتزوج جيكره واخلاقها مثل اخلاقه ههههههههه

مقدرة لك مرورك الغالي

تحياااتي...دمووع

حيااك اخوي النادر

انا بصرااحه من كثر الي شفنها من تعب في البحث عن زوجه لاخوي اشوف ان الخطاابه تسهل لنا الطريق وممكن اننا نحط شروط حضرته وهي تشوف لنا احد مناسب والله انا اشوف انها فكرتن زينه وما فيها شي بس القهر ان مجتمعنا لسه ما تقبل الفكرة

وفيه خطابات محترمات وما يعرضون صور البنات وش دعوه شغالات يعرضون صورهم وين جالسين لالا ما احد يشفوهم الا الناس الجادين ويصير الاتفاق عن طريق الاهل اولا شي وبعدين يجي دوور الشوفه الشرعيه

ونعرف ناس تزوجزا عن طريق خطابات ومبسوطين وسعداء جدا جدا بس مجتمعنا يرفضها ليييييييه يعني جلسه البنت ببيت اهلها هي الصح

طيب لو فرضنا مثلا انك تزوجت عن طريق الاهل تظمن ان البنت الي خطبتها ما احد تقدم لها قبلك ولا احد شافها شوفه شريعه مثلا

الف شكر لك اخوي على حضوورك ومشاركتك الغاليه

معقوله ما فيه الا تؤبر سبدي و النادر

وين باقي الاعضاء شكلهم لسه في السووق ولا نايمين هههههههه

يا الله وينكم ابي اشوف اراء ثانيه تكفوون

تحيااتي...دمووع

والله اتوقع ماله داعي عن طريق خطابه ..

وافضل شيء ياعن طريق الاهل ..او أخت أحد الاصحاب ...او هو يختار مايناسبه

والله ييسر له بنت الحلال ..وييسر لي ولكل اللي بالمنتدى