/
\
/

معك طعم المسا غير ومعك حتى السوالف غير
معك يا حلو تقليب المواجع بين كفينك
تبختر بين دقات الخفوق ونشوة التفكير
ترى كل الحياة اصغر من اللي بيني وبينك
احس انك تجي والعشب ينبت والطيور تطير
واحس ان السحاب يلوح براقه على يدينك
احس بروعه الدنيا واحس ان الزمان بخير
واحسك للحياة اعذب ندا منتب مثل عينك
اشوف الصبح لاشال الشفق هز الظلام عصير
واشوف الورد يضحك ما بقا الا ينشدك وينك
واشوف الريح تقبل مستخفه دمها وتغير
تنثر لك شعرك وتنثر سله رياحينك
ورا ما ترقص القمرا بقلبٍ خانه التعبير
مثل ما ترقص الالوان في مسرح فساتينك
دخيل انشودة العشق وذنوبٍ ترفض التكفير
دخيل اخر ربيع ٍ مرني في حضن عشرينك
انا اللي نزلك من برجك العاجي وجاك يسير
يمد لك اليمين ولا درى عن لهفة يمينك
واثرك تشوفني في حلمك اللي في رجا التفسير
على ذاك الحصان الابيض اللي في ميادينك
شعرت بطعم سكينك من اول مابدا التقدير
تمثنيت العروق وقبل اكبر جرح سكينك
لقيتك قبل ما ابحث عنك في الابراج والتبصير
قريتك قبل اموت بلذة قرايه فناجينك
ابي للناس اسولف بك واقول اللي يصير يصير
واحسك سالفه لو سولفوها شوهوا زينك
حشا لو تطري الفرقا مااعدك راعي التقصير
عزاي اني ملكت بوقتها عرش اجمل سنينك
يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك


/
\
/

قصيدة رائعة للشاعر المبدع :: ناصر القحطاني ::

على أمل أن تفوز بإعجابكم ..

/
\
/


ودي ووردي



ميـموريز

اختيارك لهذه القصيده ... دليل ... تذوقك الدائم للشعر الجميل ،،،،


الله لايحرمنا اشراقتك ***مــــــيـــــمــــوريـــــز***

كلاس ..

هلا وغلا أخوي ..

الله يسلمك يارب

هدى

تسلمين لي عزيزتي

بسم الله الرحمن الرحيم

السلام عليكم ورحمة الله وبركاته

شكرا لك على هاذا الطرح الرائع والمميز

ما ننحرم من جديدك...

يسلمكم ربي ويحفظكم