يالله ياشاطرين طلعوا كتب ودفاتر النحو عندنا اليوم درس جديد ومهم عن

أدوات االاستفهام ومواضع استخدامها

مع الشرح بالأمثلة

..........................


اولا:

( ليـــه)


ليه شبابنا إذا دخلوا مع المعرس في الزفة في زواجات أخواتهم تنزل

عليهم فجأة صلة الرحم ويتذكرون جداتهم وعماتهم وخالاتهم اللي

ماشافوهم ولا يدرون عنهم من أيام مسلسل (أصابع الزمن) وماهو كذا

وبس لا وعمات وخالات أمهم وأبوهم بعد ويدورونهم ويسلمون عليهم وكل

وحدة يحبون راسها عشر مرات ويطلع السنع ويسألونها عن صحتها

وأحوالها وعيالها وولدها فلان القاطع اللي لا يمر ولا يسلم ومافيه

مانع من استرجاع ذكريات طفولتهم الشقية معها ولو عندهم عمة وإلا

خالة من الرضاعة بيدورونها بعد ماراح يقصرون..

...........................


ثانيا:

( كيـــف )


كيف ممكن أفكر أتزوج إذا كان للحين خبر الزواج ينكتب بهالصيغة

العبقرية احتفل فلان الفلاني بعقد قرانه على كريمة إحدى الأسر

(لاعاد !! بالله عقد) قرانه على كريمة إحدى الأسر!! انهبل هذا وإلا وش

صار فيه!! مالقى إلا كريمة إحدى الأسر عشان يعقد قرانه عليها!! جد

والله ؟؟إنت متأكد ؟؟ يعني فعلا ودي أسال اللي يكتب مثل هالخبر في

الجرايد وأقوله هل فيه من وجهة نظرك خيار ثاني غير إنها تكون كريمة

إحدى الأسر؟يعني بيعقد قرانه على كريمة إحدى سلالات الزواحف مثلا؟ وإلا

يمكن بيعقد قرانه على كريمة سيد قشطة
.........................

ثالثا:

( متـــى )


متى تنتهي ظاهرة زاوية هواة التعارف في المجلات ؟والحقيقة إن

المشكله ماهي في رغبتهم في التعارف بحد ذاتها لكن المشكلة الحقيقية

إنهم عندهم أمل إن أحد يراسلهم بعد ماحطوا صورهم في المجلة

وطبعا مايحتاج أوصف لكم الخلفيات المبتكرة وإلا الابتسامات الساحرة

وإلا النظرات الغامضة في الصور والله العظيمإن واحد كاتب عنوانه في

مجلة بالشكل هذا (مصر القليوبية-مدينةأبو زعبل-البلدشارع السوق)

جوار الزاويه إذا كان هذا عنوان المراسلة أجل عنوان الزيارة وش بيكون
.............................


رابعا:

( هـــل )


هل ممكن يجي يوم من الأيام المستحيلة ويتحقق فيه فلم الخيال العلمي

وتقدر البنت تمشي في الشارع في الرياض بدون ماتسمع كلام من نوع

ياحلوة يادلوعة أول مرة أشوف قمر على الأرض وغيرها من الكلام اللي

يصنف ضمن فئة الغزل المنتهي الصلاحيةهل ممكن يجي اليوم الي تمشي فيه

البنت في الشارع بدون مايناظرونها كأنهم شايفين مخلوق فضائي مجهول

حط على كوكب الأرض في ظروف غامضة !! 00
.......................

خامسا واخيرا:

( ويـــن )


وين ممكن ألقى محل ملابس ما يكون فيه واحد مزعج وملقوف ما يشوفني

ماسكة قطعة ملابس إلا ويباغتني بمفاجأة أغرب من الخيال لا كانت على

البال ولا عالخاطر ولا يمكن يستوعبها أي عقل بشري ويقول لي فيه

مقاسات !! هااااه !! وش قلت ؟؟ فيه مقاسات !! الملابس صار لها

مقاسات !! سبحان الله فعلا تكنولوجيا!! أكيد إنهم هاليابانيين

الملاعين ماخلوا شي ما اخترعوه حتى الملابس طلعوا لها مقاسات

أكيد هذا آخر الدنيا والله إنها صارت تخوف يالله إن تخرجنا منها مسلمين

.............................



خلص درسنا اليوم ياشاطرين


والواجب إنكم تلاقون إجابات للأسئلة؟؟؟؟؟؟

هع هع هع هع هع



لا تحرموني من ردودكم,,
خيتكم,,
رعدالخفوق,,