هل المهر العالي يرفع من قدر البنت ؟؟!!

09-16-2007, 05:08 AM

يـا هــلا و سـهــلا

°•.¸.•°°•.¸¸.•°°•.¸.•° الــمــهـــر °•.¸.•°°•.¸¸.•°°•.¸.•

السلام عليكم ورحمة الله وبركاته

هل كثرة المهر دليل على مكانة البنت ؟؟

المهر هو المال الذي تستلمه الزوجه من الزوج قبل الزواج
وهو سنه

والأن ما هي نظرة الزوج والناس لهذا المهر ...

هل المهر القليل يقلل من مكانة الزوجة وكرامتها بين الناس

هل المهر القليل سوف يجعل الزوج لايحترم الزوجة وينظر لها نظرة قليلة المستوى وبأنها

يوم قبلت بالقليل فهذا يعنى ان بها عيب !!

هل المهر القليل يساهم فى بناء وانجاح الزواج والحصول على التقدير والاحترام من
الزوج؟؟ .. اما يصور على انه عيب وعار ومستحيل ؟؟

الان سؤال الى المهر الكثير

هل المهر الكثير يساهم ويجعل البنت محترمة وكبيرة وغالية بين الناس ؟

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

هل المهر الكبير يساهم فى انجاح الزواج وضمان ان الرجال ما يلعب بذيلة على قولتنا ؟

هل المهر الكبير ضروره ؟

بالله عليكم يابنات خفوا علينا بالمهر

(`'•.¸(` '•. ¸ * ¸.•'´)¸.•'´)
«´¨`.¸.* هلالي ماركة *. ¸.´¨`»
(¸. •'´(¸.•'´ * `'•.¸)`'•.¸ )

09-16-2007, 07:38 AM

اقتباس:

بالله عليكم يابنات خفوا علينا بالمهر

طالعه من القلب

شف واناخوك المهر ماله علاقه في فشل او نجاح الزواج
كثرة المهر وقلته ترجع لابو وام البنت ...
ان كانوا طماعين رفعوا السعر وان كانوا عاقلين صار السعر معقول
وفيه منهم من يزيد على مهر بنته علشان ينجح زواجها طبعن بعد توفيق الله
من ناحية رفع المهر من قبل البنت نفسها هذا راجع لمستوى عقليتها
بمعنى انها تشوف صديقاتها وتبي تصير مثلهن يعني ( ليش فلانه مهره كذا وانا لا )
والمسيكن الزوج .. في بعض الرجال يعجبك اذا شاف المهر مبالغ فيه انسحب وشاف غيرها
وبعضهم كمخه يدربي راسه ومايدري وش السالفه يدفع وبس لو يتسلف ويحمل نفسه ديون !!

خذها قاعده الناس اللي ماتتشرط ( ينشرون )
وبنات الناس واااجد

وسلامتكم

09-16-2007, 12:37 PM

مراااحب خيوو هلالي
تو مانو المنتدى
يخليك ربي
مالكم بطويلة
بخصوص المهر
كم تبونة انتم ههههه
لامن ناحيتنا امير قبيلتنا
اتفق مع كل شخص ينتمي لقبيتلتنا
على ان المهر يكون 50 الف للبنت و40 للثيب
وهالحكي موقعين وملتزمين فية جماعتنا
لوواحد يخلي بهاالشرط يعاقب هذا بخصوص تزويج من داخل
القبيلة عرفت اما من خارجها تختلف
انا ماشوف ان كثرة المهر او زيادتة لها علاقة بحاة الزوجين
لان الزواج ينبني على تفاهم وحب مو مادة وفلوس
في ناس فكرتهم انهم ماياخذون البنت بسهولة
عشان مايستسهل ويطلقها مجرد تفكير
لية العالم فكرة كذا انااقولك
هذي الله يسلمك قصة قديمة ماادري تعرفون ولالا
المهم هذا واحد جاء يخطب من رجال الرجال طيب وكريم
وماطلب في مهر بنته الاريال بس <== السالفة قديمة لاتضحك انت وراصك خخ
يوم تزوج هالولد البنت صار يعيارها باوم ريال
على الرايحة والجاية ولاتهاوش معها قال انا ماخذيتك الابريال
هالرجال ماقدر ابوها وطيب اخلاقة وتعامله الحسن معه
على بالة ان ابوها مستسهل فيها ويبي يزوجها ويفتك؟!
البنت شكت لبوها عاد نسيت وش الباقي وشصار عليهم <== لاتشره صايمة وبقوم اصلح فطوري
هههههههههههههههههه
المهم انا ودي ان الرجال هو الي يدفع مهرزوجتة موابو الولد
عشان يقدر قيمتها بعطيكم مثال
السيارة لما الاب يشتريها والولد مايدفع
فيها ولاريال بيستسهلها وماراح يقدرها
تلقاة يفحط فيها يعطيها اخوياه يلعبون فيها
بعدين ترجع لبوه مكسر من بينقهر الابو لانه هو الي دفع
دم قلبه وجابها اما الولد ماعلية مادفع ولاريال
لكن شف الولد الي جمع وشرا سيارة
يحافظ عليها حتى من الخدش
مومعناتة حكي اني مع غلا المهور لابالعكس
حتى ابوي الله يحفظة يقدر الناس والرجال
ويزوج عادي بدون تعصب متفاهم لبعد الحدود
هذا رائيي ولك مني كل التحية والتقدير
موضوع جدير بطرح سلمت لنا يداك وفكرك
الراقي

09-16-2007, 04:48 PM

اقتباس:

هل المهر الكثير يساهم ويجعل البنت محترمة وكبيرة وغالية بين الناس ؟

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

هل المهر الكبير يساهم فى انجاح الزواج وضمان ان الرجال ما يلعب بذيلة على قولتنا ؟

هل المهر الكبير ضروره ؟

الدعوة يا اخوي مهي على المهر وكثرته او قلتة الدعوة على عقليات الاشخاص

ومدى فهمهم للحياة الي مقبلين عليها

لان اكثر الي يتزوجون في الوقت الحاضر جاهلين معنى الزواج

تقبل تحياتي

09-16-2007, 10:51 PM

للأسف إن الوضع الحين صار ماهو سنة صار الوضع عادات وتقاليد

وأصبح الناس يتباهون بقيمة مهر البنت ( للأسف )

لكن من ناحية أخرى اذا كان الرجال مقتدر وماعندة مشكلة

وغير مغصوب على دفع مهر عالي فمافي مشكلة

هلالي ماركة

مشكور على طرح هذي القضية

تقبل مروري ولك كل التحية والتقدير

أخوك

كلاس ,,,

09-16-2007, 11:50 PM

موضوعك رااائع خيوو هلالي ...

لكن بقولك المهر عندنا مايتعدى 50 الف ..

واعتبره مناسب جدآ ...

اما مسألة انه الزوج بيقدر زوجته بكثرة مهرها لا بالعكس التقدير يكون بالإحترام المتبادل بين

الزوج والزوجه ..

ومو مهم المهر ...اهم شي التوفيق......

يعطيك العافيه هلالي ماركه على هالطرح لاعدمناه ..

09-17-2007, 12:17 AM

مشكور اخوي على هالموضوع الجيد

لكن صدقني اخوي ما هو كثرة المهر المبالغ فيه حتى لو كان مقتدر هي الي بتسعد الزوجين ولا قلته بالحد المو معقول مثل ما نسمع ونقراء بالصحف انه زوجها بريال او ريالين ياخي ما توصل هالدرجه على قولتهم ( اما حبا وإلا برك ) خير الأمور الوسط وباعتقادي التوفيق بالزواج يعتمد على رضا البنت من زوجها بداية الخطبه والزوج كذلك ما يكون فيه اجبار من احد اطراف العائله لزوووووووم يكون الطرفين مقتنعين من بعضهم . . الدعوى وانا اخوك ما هي خبط لزق . . انت ما تاخذ الا البنت هاذي او انتي ما تاخذني الا الولد هذا . .

وهذا مجرد رأيي . . تقبل مروري ودمت سالماً اخوي

العطشان

09-17-2007, 02:05 AM

يـا هــلا و سـهــلا

°•.¸.•°°•.¸¸.•°°•.¸.•° بالجميع °•.¸.•°°•.¸¸.•°°•.¸.•

اقتباس:

المهم انا ودي ان الرجال هو الي يدفع مهرزوجتة موابو الولد

ههههههه
بليز اختي تؤبر هذي عاد لا تحسدينا عليها

وبعدين ليه المهر مايطلبونه من 25الف الى 30الف بالكثيره

نعنبو بليسكم 40 الف اسافر بها سفره بنت ابو كلب

<<يمزح معكم

عموما يعطيكم العافيه على مروركم ونقاشكم معي

يعطيكم العافيه

(`'•.¸(` '•. ¸ * ¸.•'´)¸.•'´)
«´¨`.¸.* هلالي ماركة *. ¸.´¨`»
(¸. •'´(¸.•'´ * `'•.¸)`'•.¸ )


ولد الشوامس ..	قمر الخليج ..	هالحياه ألوان . .	صفوة الخلق ..