السلام عليكم

كيف الحال ان شالله بخير

حبيت اوريكم صورة سيارة الدراسة حقتي بعد الحادث على امل اتعاظ الجميع من السرعة

وخصوصا اللي طالعين من الاختبار ومعصبين ومفحطين>>علم نفسك ههههه

وبخصوص السيارة لا تظحكوا داري انها قديمة لكن الوالد ساحب السيارة ومعطيني هذي

عاد تعرفون ثانوية وهذي روحة وجية فيها..

طبعا الحادث حصل قبل فترة ولكن توني اطلعها من الحجز والسيارة هي ميتسوبيشي لانسر

1997 ابيض وحصل الحادث بالخبر ووكل من شاف السيارة قال اللي كان يسوق مات ولا انشل لان السيارة ما فيها ايرباق وانا ما كنت رابط الحزام

http://www.cars-club.com/up/1/carsclub_78320417.jpg









اكيد بتتساءلون كيف حصل الحادث وليش السيارة معدومة كذا!!

كنت ماشي تقريبا 160 او اكثر بشوي بشارع عام بعد ما طلعت من الاختبار ورايح افطر

المهم وانا ماشي الا والاقي لومينا داعس على يميني وبيني وبينه خط فهو كان ماشي

على الاقل 200 وما كان منتبه وكان يكلم جوال ويدخن وحالته حالة فكان قدامه تريلا

فالدلخ ما انتبه لها وما هدى ولا شي كان ماشي ويوم انتبه لها بالنهاية لف لفة جامدة وجا جهتي

وانا حاولت اضرب بريك والف من عنده لكن ما قدرت فصدمني وطلعت من فوق الرصيف وما انقلبت

السيارة ولله الحمد ولكن المشكلة انه كان قدامي سيارة تاكسي فصدمتها وجه لوجه فحاولت الف

وسلمت امري لله وصكيت بالسيارة من قدام ولكن على جنب شوي ونا لانه طبعا ما ربطت حزام

الامان طرت عالسيت الخلفي!!

((نتايج الحادث))

قدر الله وانكسرت رقبتي وجالي كسر في الحوض وانكسرت يدي و7 غرز بخلف الراس

وبعت السيارة الطقعانة ذي وشريت هونداي سوناتا وكرهت السرعة واعطيت اخوي الاس اس حقي

وبس..

ارجو من الجميع الحذر الحذر من السرعة

وملاحظة:الصور بصراحة محفوظة لمنتدانا الغالي ومنتدى خبر بويز لان مؤسسه كان معي بالمدرسة

بانتظار ردودكم..

لا حول ولا قوة إلا بالله العظيم

ألف الحمد لله على السلامة أخوي

الحمدلله على السلامة أخوي

وهذي مشكلة بعض الشباب

سرعة + انشغال عن القيادة

والحمدلله إن الله عطاك عمر جديد

الحمد لله على سلامتك يالمرجوج ..

اجل في احد يمشي بـ طريق عام 160 ..؟!

ليه طريق سفر هو ..؟

طيران موفق على السيت الخلفي ..

من جد الحمد لله على سلامتك بعد كل ذا ..

الحمد لله .. الحمد لله .. الحمد لله .. الحمد لله ..

السياره راحت وطي ..

بس زين انها شوي قديمه ..

صور مريعه ..

الحمد ع السلامهـ اخوي .,,,

عاشق الحانه الله يسلمك يالغالي

صاحب الامتياز الله المستعان!!

اعشق حياتي والله منيب مرجوج وبعدين 160 عادية مو شي يستاهل!! وبخصوص الحديد عادي

انا قلتلك سيارة دراسة وخبال ههه اما الاس اس حقتي ما امشي 80 بعد ههههه

من طبعي الاحسان تسلم يالغالي على مرورك الكريم ولا حرمنا من طلتك..