لا انت حارس للنجوم .. ولا انت غارس للقمر
وما انت حابس للسموم .. ولا انت حاسس بالمطر
شايلٍٍ هم التراب .. وشايلٍ هم السما
وانت يغويك السراب .. وانت يقتلك الظما
تحمل هموم وهموم
وانت فـي الآخر بشر

***
لا انت فارس هالرمال .. ولا نوارس هالبحر
أعظم حروبك خيال .. واقصر دروبك سفر
شايلٍ هم الصديق .. وشايلٍ هم العدا
ليه تمشي والطريق .. كل ما خلص .. بدا
وليت به شيٍ يدوم
وانت فـي الآخر بشر

***
لا انت عاشق هالزمان .. ولا مشانق هالزهر
انت تحتاج الأمان .. لو تعانق لك حجر
شايلٍ هم الغياب .. وشايلٍ هم اللقا
كافي ضيعت الشباب .. لا يضيع اللي بقى
ما لأوهامك لزوم
وانت في الآخر بشر
مهند الكلمة بدر بن عبدالمحسن

صـح لسـانـكـ -- سـلـمـتـ يمنـاكـ

مشكور أخوي على نقلك لهذه الكلمات الروعة ,,

وتسلم على ذوقك يالغالي...ودمت بكل خير

أنا أحبك ..
أنا أحبك ما بها زيف وخداع
رغم الذي نخفيه والي نخافه ..

أودعك لو الألم بلحضه وداع
ليله مضت ننسى الألم والحسافه ..

وفارقك لو السفر يم وشراع
وبعد الفراق الي نوده نعافه ..

لا صار ما في البعد راحه الملتاع
بالله وش نفع التعب والكلافه ..

من الجفاء والصد يكفيني ذراع
لا جف نهر الحب ماتت ضفافه ..

إملي يدك رمل وترى هذي القاع
ومدي النظر تدرين وشهي المسافه ..




من روائــــــــــــــع ( بدر بن عبد المحسن ) ...

مشكور اخوي

يعطيكم الف عافيه على ردودكم الرائعه وعلى رأسها صدى الوجدان بحبرها الذهبي
وأقل ما يقال عن بدر بن عبدالمحسن انه مهندس الكلمه
_______________________________
وتقبلو تحياتي وعطور محبتي
سراب الليل

مره مره مره رووووووووووعه ..

كلمات رهيبه ..

صحيح إنه شاعر ..

مشكووووووووور دددـراب ..

سلمت يداك على الموضوع المميز