http://6rbtop.com/listen.php?song_id=33347&type=au&q=hi

منـك العـذر وعـلـي المـعـذرة
لاتحسب حساب هجـر ولا هجيـر
كـل ذنــب بتذنـبـه بستغـفـره
واحـد مايعـذرك مافـيـه خـيـر
دور بصـدري وطـن واستعمـره
عندك مـن الضلـع الأول للأخيـر
عيش فينـي ودمـر اللـي تدمـره
واعتذر لي واعتبـر سـرك فبيـر
لاتبشـرنـي بـجـرح وتـذخـره
لاتعشمنـي بـحـزن وتستخـيـر
ولاتنومـنـي بلـيـل وتـسـهـره
ولاتنـام الا ونـا جفنـي سهـيـر
خلنـي مثـل النـجـوم مبعـثـره
عيـش فينـي لاشهيـق ولا زفيـر
لاتقـول العفـو عـنـد المـقـدرة
خل قلبك صلـب وحسابـك عسيـر
المسـامـح والـزعـل للمـبـزره
والا أنا لانـي زعـول ولا صغيـر
ودي أدري كيـف للحـزن أثمـره
ودي أقطف مـن قساوتـك العبيـر
ودي أجفـل مـن فراقـك وأحـذره
ودي أعرف لو فقدتـك وش يصيـر
لو تقدر خاطـري صـدق أكسـره
لـو صحيـح تحبنـي لاتستشـيـر
أزرع بقلبـي سـبـب يستنـفـره
أثبت أنك غيـر وأن النـاس غيـر
شاعـرك ماكـل بنـت تجرجـره
حارت بـه عقـول نـاس ماتحيـر
النسـاء ماحركـن فيـه اشـعـره
ثـار عشـق ومالقـى شـي يثيـر
أن سكـت كـن الوقـار بمنـبـره
وأن تكلـم زمهـريـر بزمهـريـر
مايحضـر الا القلـوب مجمـهـره
ومايغيـب الا وعشـاقـه كثـيـر
أن هجرتـه تستـقـر بمحـجـره
وأن تبعت رضـاه ماعينـت خيـر
اسكنـه لكـن بـعـد ماتهـجـره
ابتسـم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر
لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر
ماتميـل الا الغـصـون المثـمـره
ومايسيل من الجـروح الا الغزيـر
من قبـل لاتنقهـر منهـى أقهـره
قبـل لايستحقـرك خلـك حقـيـر
استفزه،شتـتـه، فــج انـحـره
اعشق،أكره،عاتب،أشره،حن،غي ـر
أنثـره ،لملمـه ، لملمـه ، أنثـره
صد ،كابر، طير لـو تقـدر تطيـر
مـن متـى ونـا تحرالـي مــره
تثبت أنـي لاوقعـت أوقـع كبيـر
أبك أنا مقطوع من غصن اشجـره
لاصديـق ولارفيـق ولا عشـيـر
ابـدوي شيـب الصبـر اشـعـره
ماعرف ريش النعـام ولا الحريـر
أن غفـا كـن السحـاب يـدثـره
وان صحا يفرش من الرمضا حصير
ماخـذ مـن قسـوة البيـد أكثـره
ومن شموخ البـدو شـر مستطيـر
جنتـه صحـراه والشـوك أزهـره
والسـراب بنظرتـه مثـل الغديـر
أن فـزع يامشجـعـه يامظـفـره
من خلـق الله وهـو قـرم وفقيـر
كـان ماتقـدره قــول ماتـقـدره
صير غالـي صـدق ولاا لاتصيـر
الغـلا اللـي ماتزعزعـه اهجـره
كـان قلبـك لايجـار ولا يجـيـر
شوف لـك واحـد بليـد استحقـره
واجد اللـي يعشقـون بـلا ضميـر
بس أنا لو جبـت لـي ميـة مـره
ماتحـرك فـي شعـره لـو تطيـر

صباحك// ورد

اسر القلوب

الله يعافيك

ومشكور على المرور

وطاب يومك بود

الله عليكي طيف
هذي القصيدة روعة...........يعطيكي العافية
تقبلي مروري
تحياتي:.عمار

ولاتنومـنـي بلـيـل وتـسـهـره
ولاتنـام الا ونـا جفنـي سهـيـر


____________________

هالبيتين جدا روعه

اعجبتني

وللمعلوميه هذا افضل شاعر
وبعده سعد علوش
الاخت مسكت خط

ههههههههههههههههههههههههههههههههههه



سي يو

طلبتك

العنوان اللي باول الصفحه شيبي << ماعندها وقت

بس عجزت افهمه

وعلعموم

مشكوووووورة حيل عالموضوع

اللي اعجبني

سي يو

صباحك// ورد

عيوني فيوضه

الله يعافيك

ومشكور على المرور

وطاب يومك بود