غلطة زماني
عطني من برودك انا من حرقة اعصابي عطيت
عطني فقط راحة فكر ماابي سعاده اوهنا
ماراح الومك واسألك ليش انت قلبك حيل ميت
لاني اعرف من زمن كل اهتمامك بالأنا
في شخصك الظالم انا عمري ابد ماقلت ليت
اليأس في حبك غدا عالي من ابراج المنى
كلش تحطم وانتهى يمكن انا نفسي انتهيت
حبيبت ولكن خافقي غير التعب وشهو جنى
هذا انهياري اكتبه واختصره لك في شطر بيت
كان العنا يعني ألم عناي انا فوق العنا
الذنب ذنبي والغلط اني لأجل المحبه انحنى
طبع الوفا ماهو غلط بس الغلط اني نسيت
اني لو ازرع بك غلا زرعي مصيره للفنا
ياذا الزمن وشو الثمن ياللي دفعته ثم خذيت
اكبر جروح عندها حسيت موتي قد دنى
ياكبر ذنبك ياهوى يومك على قلبي جنيت
قلبي وانا غلطة زمن ماتنسى والله لنا
غلطة زماني ياهوى اني تمنيت ورجيت
والا انا ماينغزى في خافقي صوب المنى
}
العرض العادي
