الرسائل في جوال البنات .....

15-04-2007, 05:26 PM

--------------------------------------------------------------------------------

- ياليت يا قلبي تجيبين معاكي بكره ملزمة علم النفس .

2- اسمعيني بسرعة حطي على قناة ( هي ) فيها عرض الأزياء اللي قلتلك عليه .

3- أهلين يا حلوة الحلى اللي عطيتيني طريقته اليوم كم مقدار السكر .

4- ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

5- معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقابل .

6- مساء الخير وش رايك اتفقت مع البنات نطلع للملاهي تخاوينا .

7- الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها .

8- حبيبتي ياليت ترسلين لي رقم جوال أمل ابيها ضروري

9- لو سمحتي أقصد لطفا وليس امرا وانتي رايحه للسوق ياليت تسألين عن قيمة القماش اللي قلتي لي عليه .

10- اسمعي يا حلوه بدون مقدمات ما دمتي في بنده أسألي عن فواصل اذا كان العدد الجديد نزل .

11- السلام عليكم ما حبيت احرجك بس عظم الله اجرك وغفر الله على موتانا وموتاكم وخليكي من الصابرين .

12- مسائك هادي يا احلى ناسي والف حمد الله على السلامة في عدوينك ولا فيكي .

13- هلا وين عزمتو بكره عليه قبل لا يتأخر الوقت بقول لأهلي .

14- يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .

15- الله يعافيكي بلغي البنات اللي ما شفتهم ان نوف سوت حادث ودخلت المستشفى اذا بيسألون عنها .

16- نوف يا عيوني وانتي جايتنا ياليت تجيبين معاكي فستانك اللي بفصل عليه .

17- يا عيوني انا في السوق ياليت تعطيني نوع الروج الوردي ضروري .

18- يا حلاه من صباح وانا اسمع فيه خبر البيبي الف مبروك يتربى بعزكم .

19- يا حبي اعرفك نسايه ترى بكره عندنا اختبار انجليزي .

20- مساء الدلع والولع يا عمري اذا كنتي فاضيه ياليت تدقين على الثابت ابي احدد معاكي اختبار ملزمة بكره .

21- سارة . وش اسم آخر عطر من شنل اللي قلتي لي عليه اليوم .

22- كيفك اخبارك من حقي عليكي اذا شفتي نوف في الزواج سلميلي عليها كثيــــر .

23- يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا .

24- الله الله بحلى القهوه ترى القهوه عليكي بكره ولا تنسي .

25- اذا ما اكلف عليكي ياليت يا قلبي تجيبين لي معاكي كتاب الدكتوره عزيزه .

26- صباحك حلو لانك داخله الصيدليه على هالصباح جيبي لي معاكي بندول انا مصدعه وما حصلت مع البنات ولا بالجامعه .

27- أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما اجي .

28- لا يفوتك اليوم المسلسل الحلقة الاخيره في قناة دبي .

29- يا ***** دقيت عليكي وجوالك مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))

30- اهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع .

منقول

15-04-2007, 05:34 PM

7- الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها .

8
88
888

هذي ابصم بالعشرهـ ماخذها من جوال بنت

ALEX

.
.
بصراحهـ مسجاااات رووعهـ وممتعهـ :icon_cheesygrin:

وكلها من جوالاتنا وتصير معاي يمكن اغلبها

وصدق اننا مؤدبات شوف بين كل كلمه

لو سمحتي وحبيبتي وغيرها يا حبيلنا بس :icon_cheesygrin:

تسلم على هيكـ طرح ممتع

يعطيكـ ربي العافيهـ

ما ننحرم جديدكـ

.
.

.. دمت بود ..

15-04-2007, 05:37 PM

مشكوره على المرور اللي مزين الموضوع

15-04-2007, 09:28 PM

حلللووووووووة
موتوني ضحك
هذي عمايل البنات ايش تقول:11age5:

أليكس
مسجات روعة وفي قلب الحدث:icon_cheesygrin:
ألف شكر لك

15-04-2007, 09:56 PM

ههههههههههههههههه
حلوة
مشكور مرة ضحكت
صادق شيزون هذا دليل على ان عندنا ادب وذووق

15-04-2007, 10:51 PM

مشكورين على المرور

25-04-2007, 12:56 AM

هههههههههههههههههههههههههههه والله مت ضحك
وبصرحة صادق
انا جوالي اغلبه كذا
تسلم اخوي

25-04-2007, 08:55 AM

أليكس

مسجات روعة وفي الصميم

ألف شكر لك يالغالي

ودمت بحفظ الله

شمالي

25-04-2007, 01:05 PM

ههههههههههههههههههههههه

الله يرجك ياليكس

من جد طلعت فضايحنا

والله نص جوالي مثل هالرسائل

خخخخخخخخخخخخخخخخخخخخ

25-04-2007, 02:15 PM

ALEX

يسلمووووووووو يالغالي على هيك مسجات روووعه

ولاول مررره تعترفون ان السحالي مؤدبات ويدنووون ((سجلها ياتاريخ التماسيح))

يعطيك العافيه يالغالي ماقصرت

25-04-2007, 06:49 PM

ههههههههههه

احنا مؤدبات مو مثل التماسيح

26-04-2007, 01:08 AM

Alex
..
.
..
.
..
انا مضيعه جوالي كاني لمحته عندك

كبيت عفشنا الله يهديك

ويازين عفشنا بس مومثلكم

ههههههههههههههاي

بنقلبها عليكم غصب

01-05-2007, 08:48 PM

هههههههههههههه

يا مرحببا بالفضايح

04-05-2007, 06:02 AM

مشكوووووور والله يعطيف الف عافيه

28-05-2007, 02:55 AM

يعطيكـ ألف عافية


●{ نـــوفا	●{ أتقهوى عذابك	●{ صرختُ عانس	●{ منتدى الأجهزة الذكية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(عرض تفاصيل اكثر) الاعضاء الذين شاهدو الموضوع : 0
There are no names to display.