اضع بين ايديكم هذه المتواضعه اتمنى ان ترتقي لمستوى ذائقتكم الشعريه
(ياجرح كبدي)
للشاعر/ سلطان الجلاوي العتيبي
ياجرح كبدي على اللي شافته عيني=في ثالث العيد يوم النـاس ملتمـه
قابلت غـرو ٍ عـذاب ٍ للمحبينـي=يلعب بقلب الهواوي في طرف كمه
قابلتهـا ووقفـت يمـي تنابينـي=لكـنّ موحيتهـا خجلـه ومهتمـه
من خوف لحد ٍ يناظرها تحاكينـي=وانا بعد حرص مبغى هرجة الخمه
وقفـت وقلبـي تتلـه بالشراينـي=تل الرشا للدلي من منهـل الجمـه
الخشم منقاد من بيـن الحجاجينـي=والعين عين الوحش في ذمتي ذمه
وحواجب ٍ كنها هـلال الشيابينـي=والخـد ماكنـه الا بـارق الغمـه
سنه ان بالغت يمكن حول عشريني=اصغير سنه نهيـده بـاول الزمـه
من بعد شوفه منام الليـل جافينـي=العين عافت لذيذ النوم مـن همـه
لولا اللحن يـوم اغنيبـه يسلينـي=لطش ثوبي ولالحق ثوبـي العمـه
وياليت مجدل بعد غنيت يوحينـي=يوم ارفع الصوت بين الناس وادمه
خابره في نفس مشواري مخاويني=حب الهوى والموده شاربـن دمـه
العرض العادي
