ياكبيره حدني وقتي علـى قطـع الوصـال = وما تركتك كره والله وانت تدري من تكون
انت اول حب عشته وآخر حلـول السـؤال = السؤال اللي سألوه النـاس يومنهـم يجـون
ويلمحون الدمع ينزل كل ماجالـك مجـال = او يحسون بدموعي تحتضر وسط العيـون
والسبب انتي وقلبن حـب لحـدود الخبـال = ثم ذبح راعيه يابن الناس من كثر الضنـون
واصبحت فكرت الفرقى واقع مؤكد مو خيال = يعني اما ان تكون والا كل قـدرك يهـون
يامن حكمتي في حياتـي واخلفتـي العـدال = واستبحتي قتل مسلم فـي ديـار المسلمـون
واستمريتي بهجـرن طولـه ايـام وليـال = من بداية صيفنا اللي طاف وكلي يصرخون
سبحان من خلى ليالي البرد من عقبك طوال = واستغفر الله لولا الحـب ماوهـب الجنـون
في عقول الناس كي نسلى وننسى بالهبـال = وضعنـا مايسـر البـال وادري تفهمـون
مايصير تصون قدرك في عيوني بالقتـال = وتقتل وتسلب حياتي والعذر انـك تصـون
اسمك >الغالي< بعيني ياخي ذا لعب العيـال = رجعي روح الليالي وخلي غيـرك يلعبـون
وكان مشكلتك بقدرك بوعدك وعد الرجـال = مايتغير قدرك بقلبي لـو نويتـو ترحمـون
ولو مسحتي دمعت المحروم باطراف الليال = كان حسيتي بدمع هالفرقى بعيـون مغبـون
ولو نسيتك وانت تدري هاذا ابعـد احتمـال = ادع بالرحمه لشخصن مات مافيها ضنـون
شخص مات وفي عيونه دمعتن تصرخ تعال = ياللي بعروقي سريت وين مـاودك تكـون
في خلايا العقل توقف ثـم تمشـي بالعـدال = لين توصل بيتك اللي له ضلوعي يحرسون
ثم تقول الله واكبـر كلمـه مافيهـا جـدال = مايخلي هالمكـان غيـر مـن لا يعقلـون
ارجعيلي لعن ابـو وقتـن يمشيـه الريـال = ولعن ابو وقتن يخليني سجين بـلا سجـون
كل ماحسبهـا يميـن تتضـح انـه شمـال = وماهقيتك قلب قاسي وانت ياعمري حنـون
وكان هان الحب بعيونك ورجعتكـم محـال = لاتجيب العذر بايخ يعنـي ماتقـدر تخـون
مو خيانه لو سالتي شلون وضعي لستمـال = مو خيانه لوحشمتي دمعتي تحـت الجفـون
مو خيانه لو رسمتي صورتي فوق الرمـال = الخيانه يـوم ترسمنـي وتتركنـي اهـون
تاخذ الفنجال مني وتسقـي عيـال الخـوال = ماحسبت لغبنة الرجّـال لاصـار مغبـون
ماهقيت ان الليالي تطعـن عيـال الحـلال = لين ماشفت النهار ممتلـي ظهـره طعـون
والجبال اللي على صدري بتبطي وهي جبال = كان مازلزلت قاعي وانتخى فيك الشجـون
يا كبيره حدني قلبي على ربـط الوصـال = وحدني اني اجيك وانت عارف مـن اكـون