سلملم <<< ما تعرف تكتب مقدمه كل عام وانتم بخير بمناسبه عيد الفطر مقدماً وانا منذ مبطي وانا ماحطيت موضوع <<الي يشوفني مسجله من زمااان وابي اسدح موضوع بس ما ادري ان كان الموضوع تسد احد حتسى فيه ولا لا وان كان موجود فعاادي ناقشها مره ثاانيه وما عندي أي مشكله اهم شي الاخلاق وحب الوطن اخلصي ولا يكثر الهرج:3yar:

اليوم حست البيت كلها ابي شباصه اضف بها شعري ولالقيت ولا وحده اخر وحده محتفظه فيها لي شهر وما دريت الى وهي تحت رجلي تلفظ انفاسها الاخيره خبركم شباصات ابو ريالين تنكسر قبل ما تطلع من المحل قلت ابروح للسوق اجيب لي كم شباصه بس هالمره ابي شيـ(ن) زين مهب رخيص ما تنكسر بسرعه مع اني عارفه انهن مثل بعض مهنا فرق ابو ريالين وغيره بس لزوم الكشخه والرزه واتصل على سحوره اختي المتزوجه واقولها تروحين معي السوق وعاد هي ما صدقت خبر اصلا هي بيتهم بس طاقه العبايه علشان تكون جاهزه ما يفوتها ولا مشوار المهم قالت وين تبين أي سوق قلت أي واحد الحين كلهن يتشابهن المحل الواحد نلقاه بكل سوق ..
يوم صار العصر وامرها بسيارتي اقصد مع السواق وانا طول الطريق وانا ما غير افكر بهالشباصات وش اشتري ومن أي محل واول ما دخلنا السوق وش اشوف اللهم يا كافي وش هالاشكال الحمد لله والشكر الواحد شوشته تقول عشة حمام و لو بتشوف وش من داخل كان شفت بلاوي الظاهر اهلهم اذا ضيعوا شي يلقونه بشوشته ما لت عليهم بالله هذي اشكال بس ما نقول الا تقليد اعمى الله لا يبلانا المهم وامشي مليون على كليرز وهي اللي تسحبني وتقولي هيه يا خبله هذا حق البزارين ما عنده الا الدجه وتقول خلينا نروح لاكسسواريز مهب دعايه ابد واول ما ادخل المحل ويجين ذاك المصري أمري يا خاله تخلخلت عظامتك منب خالتن لاحد ويجيب ذيك السله وانا اللي اقعد القط من هالشباصات وحدتن كبيره والثانيه صغيره انوع يعني مهب شكلن واحد وتسحبني سحوره وتقول خلاص خللنا بالمحل خلينا نحاسب قبل لا يطلعوننا بالشرطه وعلى طاري الشرطه اعرف لكم محل ما قدروا يطلعون الحريم منه الا بالشرطه فشيله والله وش يقولون عنا الرجال المفاجأه يوم جيت احاسب وش القى ؟؟؟
بدال ما القى هالحريم صافاتن سرا القى شباب اللي معه بكله ملونه واللي معه ربطه وبروش لا واللي يزيد الطين بله يجيك ذاك الواحد ويقول عندك بكلاات فله ... وش خليتوا للبنات اعنبوا داركم انا يوم شفت هالاشكال تركت كل اللي معي وكرهت كل الشباصات وقررت اقص شعري بلا شباصه بلا هم ...

زبده لورباك اقصد زبدة الهرج..
وش رايكم بهالشباب اللي يطولون شعورهم وتلقى الواحد شعره واصلن لظهره وحاط بكلة (فله ) ومسوين لنا ازمه في الشباصات لدرجه صرنا نشتري بالجمله هذا النوع الاول

اما النوع الثاني وهو اللي نافش شعره تقل باخن به بس بسم الله علينا وتلقى شوشته واصله 3 متر على فوق

اتمنى اننا نناقش الموضوع بجديه ونطلع بقرارات وتوصيات وافعال مهب بس شجب واستنكاار منب اقصد احد ابد
<< على بالها بتناقش قضيه فلسطين

«®°·.¸.•°°·.¸¸.•°°·.¸.•°®»

.. «®°·.¸.•°°·.¸¸.•°°·.¸.•°®»

يالله عاد لاطيحون وجهي ابي ردود

وش دراك اختي هذي الموضه الجديده البنات يقصرون شعورهم والشباب يطولنها عشان يصير في توازن بينهم

8
8
8
8
وش رايك في التحليل هذا

والله ياخيتي نرجع ونقول هذه مشكلة العرب التقليد الاعمى للغرب
شبابنا طاحوا فالسفريات , الواحد قبل مايسافر قروي مايدري وين الله حاطه
وعقب مايجي من السفر يبداء يطبق اللي يشوفه ولا يهونون البنات
وطبعن مافيه شك ظاهره للاسف سيئه وفيها تشبيه بالنساء
وسلامتس وسلامة الحاضرين

ومشكوره على الطرح الموضوع

زعيم نص الارض
+
العيار
+
...غ...


مشكوررين حبايبي على التفاعل مع الموضوع والردود

لاعدمناكم..

لي رجعه والله دايخ وبرووح انام

بس قبل اجي ابحضر للمووضوووع
تحياتي
قرناس

انا اقول يخليها نص ونص
يعني لا يحلق ولا يطول
يا زينها اذا جا الشعر متساوي ومرتب وطوله متوسط
يعني كذا انسب
والبنت بعد يا زينها اذا جا شعرها طوووووووووووويل
هذه الجرح
مو تجيك هذي الي مسويه كليه ومدري وش اسمها فرزاتشي ولا فرنش
مسوي فاهم
والحمد الله على سلامت شباصاتس
واشتري بالدرزن


وتحياتي