بنات المنتدى:ياسلااااااااااااام اليوم احلى يوم لاننا بنروح الملاهي
العيال:بابا ترا مانبي نجي الا لين تسكر الملاهي
الزير عبيد:خلاص طيب بتعورنا روسنا على حسابكم
@فروحه الحلوه@:عاد كن ذا الالعاب فيها خير
مغير تدور بكم ذا الالعاب لين تدوخون
وتوجعكم روسكم ومغير توجعنا رجلينا
وآي يديني
8
8
8
قسم بالله اني ام حقيقيه
الزير عبيد:اقول ياامنا ماتفكينا من ذا الروحه
@فروحه الحلوه@:ازين مير ساد احد قالك تعطيهم وعدن امس
وترا ماعلي من احدن ابد انا
وترا ماعاد معي قروش
الزير عبيد:هماتس ماخذتن من كم يوم خمس مئة ريالن من مخباتي
@فروحه الحلوه@:والخمس ميه وش تبي تبد عليه
احمد ربك ماخذيت ازود
الزير عبيد:يعني خلصن كلهن
@فروحه الحلوه@:ماعاد معي الا عشرة اريل
بنشتري بها فول وتميس في الليل هع
8
8
8
8
(تضحك وهي تكتب هالمقطع تحس انها تسمعه دائما)
وفي الملاهي العيال والبنات يطامرون لين خلصت فلوسهم
العيال والبنات:بابا بقي هذيك اللعبه اللي تدور ماركبناها
الزير عبيد:كل الالعاب اللي ركبتوها تدور
بعدين منتب ناقصين لين ماركبتوها
خلاص يكفي لعب اقعدوا غطوا شابوره واشربوا شاهي
البنات:يمه يبيعون هناك اكسوارات حلوه نبي فلوس بنشتري
@فروحه الحلوه@:هذا ابوكم عندكم كلموه
الزير عبيد:انا خلصن اللي معي ماعاد معي شيء
العيال والبنات:اول مره نشوف اهل يجيبون عيالهم للملاهي يضيقون صدورهم
الزير عبيد:اقعدوا يامال الماصوع اللي يسمعكم يقول مالعبتوا ابد
@فروحه الحلوه@:انا يوم اني كبركم مانلعب الا دبق ولا حريم
ونطلع سنعات ويعرسن البنات وهم 11 و12 سنه
الزير عبيد:اي والله ماعندنا الا مصاقيل ولا خشبتن على برميل نحطها نخليها ميزان
ولا كفرن نعلقه في المظله
@فروحه الحلوه@:ماشاء الله عليك مصغرن عمرك واجد
الكفر انت مالحقتا عليه ماجاء عندكم لمبات ذاك الوقت عشان يجي عندكم كفر
الزير عبيد:انا مولودن انا واخوتس عبدالله في سنتن وحده
@فروحه الحلوه@:اخوي عبد الله اكبر مني بخمس سنين
وانا يوم تولدني امي والحريم قد تغطوا عنك
ماعاد تدخل عندهم.
الزير عبيد:احمرت عيونه
العيال:حنا عندنا لعبتن زينه تنفع للعيال والبنات
الجميع:وش هي؟؟؟
واحد من العيال...كل واحد يقول رقم
واللي يوصل رقم ثلاثه يقلع ضرس اي احد من الموجودين
بس بشرط بدون بنج
الزير عبيد:هذي اللعبه الزينه خلنا كود اقلع سنون احدن في بالي
ومايصلح اقلع واحد والثاني مجانا
@فروحه الحلوه@:ودك انت بس
ياليته يجيني الدور قبل اللي في بالي
وتوته توته
بدت اللعبه
1
اللي بعدي امشوا الى 3 وبعدها اقلعوا الضروس
